影片
港铁湾仔站 C 出口, 步行约1分钟
继续阅读
开饭介绍
位于湾仔的中式小菜店，主打明炉烧味、创意点心及粤式小菜等，推介紫薯炸鲜奶及三代同堂扒柚皮等。
继续阅读
附加资料
本餐廳為B、C類食肆
营业时间
*最後落單時間: 22:00
星期一至日
11:00 - 22:30
以上资料只供参考，请与餐厅确认详情
呢間酒樓帶俾我好多回憶，第一次去既時候會覺得咁高級，如果自己就一定唔會去，之後去慣咗，就無左呢種感覺。呢間茶樓啲茶壺同餐具都好乾淨，給予令人放心使用既感覺。🦆杞子花雕醉乳鴿平時醉雞就聽得多，醉乳鴿就少聽。佢呢啲乳鴿整得幾好食的，有酒香之餘淡淡肉，加了鹽調味，味道不錯。🍳肉鬆蛋煎糯米雞食落有點像平時我哋用雞蛋煎粽的味道咁，再加埋啲肉鬆真係生色不少。🦐金紗米網蝦腸粉口感是先冧，後脆，再軟，一啖入面有三種不同口味，所以我都喜歡叫這個腸粉。🦐味苑蝦餃皇蝦餃都很大粒，有四粒，啲皮好晶凝通透堅韌有咬口，都很好食。♨️潮洲小粉果雖然點心紙話佢係小粉果，但佢嘅體積都唔細既，可以話都幾大粒足料。♨️飽汁叉燒包佢啲叉燒包入面啲叉燒係香香瘦瘦既，夾住好多肥膏個種。♨️迷你珍珠雞雖然佢話迷你，但其實都唔迷你了，是很巨型的珍珠雞，珍珠雞內也十分足料。♨️懷舊街邊豬腸粉上菜時佢係仿照街邊啲豬腸粉咁用塊油紙墊住既，啲腸粉一條條均稱的每條都有啲白芝麻係面，食落充滿米香又彈牙。佢隔離會有甜醬麻醬同埋豉油俾大家點嚟食，如果想更加似街邊啲腸粉，可以將啲醬混哂落去，撈嚟食。🦐和風蝦春卷春卷炸得好香脆，蝦都很彈牙，點喼汁好味。♨️蟹籽燒賣皇一籠有四粒，啲肉同啲蝦都唔錯。🧄蒜蓉蒸鮮排骨呢個就略略有啲太鬆，可能鬆肉粉落太多。🥥椰汁馬豆糕普通馬豆糕既味道。🌸杞子桂花糕有幽香既桂花味，有點像啫喱。🍍真係菠蘿包入面真係有菠蘿既，啲皮都幾脆，熱辣辣既都幾新鮮。🐖蜜汁叉燒皇味苑嘅燒味係幾出名嘅，佢肥瘦適中，香甜新鮮美味。🐖蜜汁燒排骨燒排骨都幾好食，淡淡肉，好香口。🐎懷舊馬拉糕呢個馬拉糕好香甜好食😋，熱騰騰的。🐓雪菜雞絲淮山麵淮山麵好爽，雞絲都很彈牙，整體有湯都好食。🫖鐵觀音好香而不苦澀既茶，真的不錯。🐖古法山渣咕嚕肉充滿山渣味既咕嚕肉，酸酸地好開胃。亦都係瘦既，無肥膏。🐖蜜桃水晶咕嚕肉呢個有蜜桃味偏甜既咕嚕肉，瘦瘦地，都好食。♠️山葵咸水角好香脆的咸水角。🦐西蘭花帶子炒蝦球帶子同蝦球都好彈牙，配合啲菇及醬汁，西蘭花都好新鮮好食。呢間餐館滿載好多回憶，希望呢啲回憶可以永遠保存下去。
继续阅读
好朋友移民，臨別前一聚⋯⋯1枱7人，其中3位小朋友所以選擇了這間位於灣仔的中式小菜館！（味道不過不失，勝在合適家庭聚會😌）當晚選了以下菜式…..1）冰鎮义燒皇 -2份2）脆皮燒腩仔 -1 份3）和風海台鮑魚伴豆腐 -7隻4）奇趣鴛鴦咕嚕肉 -1份5）金沙明蝦球 -1份6）味苑燒鵝皇 -半隻7）鮮魚湯唐芹浸翡翠（菜心1份）8）豉油皇龍蘇炒麵 -1份9）絲苗白飯 -1碗飲品：3汔水+3支細啤洒經OpenRice 訂位8折折扣後：$2xxx
继续阅读
認真講，食物係好食，有驚喜，上菜都快，我食點心，可以推介個金紗米網蝦腸粉。但令我忍不住一定要評價既係服務態度，可能假日問題，早上食客不多，所以有四五個姐姐待應企係到吹水，我一路食，每食完一籠，啲姐姐好似搶食咁第一時間搶走我個吉籠，我當初以為咁啱啫，食完第二籠又幾個姐姐鬥快咁，咁我放慢食啦，其實咁多姐姐望住食，好有壓迫感。之後聽到有個姐姐同另一個姐姐講，食咁慢咖，我回應一句做乜咁趕，佢咀苗苗我😑之後我每食完一籠，佢完全問都唔問就拎走我個籠，其實仲有一舊，事關我兩個人食，叫多左野，飽左，所以慢慢食，唉，我打上離呻下啫，紅日假都係想優閒咁飲茶啫。希望餐廳負責人不防教導下前線們。
继续阅读
又到星期五揾野食時間，見到呢間主菜餐有7折，所以黎試下，呢間餐廳既環境係比較懷舊，唔算坐到好多枱，不過味道唔錯😆一開波先黎個例牌叉燒，叫左肥叉，佢唔會太肥，肥瘦適中，岩岩好，味道甜甜地，不過例牌份量都幾到，少人既話可以叫小菜既叉燒😎然後係鴛鴦咕嚕肉，有兩隻味，紅少少既有啲微甜，而深色啲既就少少酸，有少少似山渣既感覺，不過絕對係所有人都接受到既程度，外皮脆脆地，值得一試👍主食就叫左海鮮蕃茄湯飯，一開始有啲驚係蕃茄湯底咁，不過佢其實係海鮮湯，入面再有啲蕃茄，個湯幾鮮甜，唔好鹹，如果唔想食咁heavy可以揀呢樣，不過留意返飯麵係無7折😌唔知係一直都有定限時優惠，每人都會送呢個甜品，紅豆糕味道好淡，椰汁馬豆糕相對地就有少少甜味，同時都有豆既咬口，唔算太吸引，不過送既算係咁😗總結黎講，我最欣賞呢間既係佢啲餸味道都唔會太濃味/鹹，有味道得黎清清地🤩不過價錢唔算平，如果正價食都幾貴
继续阅读
之前食過一次, 都已經覺得我會再唻, 因為佢比我想像乾淨, 唔會話D碗碟柸崩咗照比客用, 除非係高價D嘅店鋪先唔會咁, 而且佢地服務態度都好, 加上有折咁先抵, 佢亦唔會將貨就價。我都揀咗上次覺得好食嘅菜式比我呢個對食有要求嘅朋友白鳯手爪 – 呢個係佢地店鋪嘅前菜, 食過都想再食, 好淋好香好入味, 仲有D蒜香同辣沙薑豬手 – 呢個個沙薑又入味, 又重薑味, 仲要係淋, 因為通常都非常爽口炸牛坑腩 – 炸漿夠薄, 牛腩又淋唔會韌, 不過今次就肥咗DD黃金蝦 – 呢個個咸蛋黃係好多, 所以對於鐘意蛋黃嘅我好滿足, 我仲可以食3嚿, 不過個蝦今次新鮮度差小小, 佢係彈牙但有小小好似咬落去差小小熟嘅口感, 但你係知佢一定係熟, 上次就比較好D, 不過佢炸得好脆口, 脆漿又唔厚, 都係下次仍會叫唻食海味什菜煲 – 我鐘意佢D餸都夠大碟, 尤其呢個煲, 有時叫親菜都唔明收得唔係平, 但永遠佢個份量都細, 有時真係咁多肉都要叫番碟菜, 但往往唔太夠, 呢個蝦干又大, 又浸得夠時間, 菜嘅種類都係多, 味道又好叉燒皇 – 呢個係最美中不足, 因為佢寫到必食推介咁, 一上到唻都争D燒嘅樣, 食落去麻麻地, 可能係有期望所以係失望, 而且佢唔係平架餐牌上要$168, 佢唔夠叉燒要有嘅蜜汁(唔係話要多, 但佢係唔夠), 而且味道係好普通(又唔明以前媽咪係街市買下都已經好好食, 但而家要揾出名又要貴D先叫做食番以前嘅叉燒味囉.PS 佢送嘅甜品唔太甜又好食😋不過整體上, 佢呢間係Good Good, 所以我再會約家人唻食下
继续阅读