備長

营业中

休息中

契妹刚从美返港，周三晚即相约见面，送赠其乡下特产之零食。小肥契哥都好识做地请食日本菜，地点就由佢喺澳门逸园中心众多选择中拣咗二十六楼o既「备长」。细佬踏正六点到步，刚好系晚市第一个客人，八点前离座时却全店满座，仲开始翻枱添，赛马日都冇影响生意可谓信心o既保证。餐厅右方有个寿司吧。中间o既散座全为合并式木造枱櫈，简洁清爽。埋位先有热茶一杯。再送上干湿纸巾，感觉衞生得很。硬皮餐牌合共有八页之多。另附一页刺身餐牌。及两页饮品餐牌。两口子点好菜式，温婉o既妹妹先送上三款调味及餐前小食。小食为爽脆o既杂菜，$28一碗。温泉蛋牛油果沙律（$68）：沙律所选用o既蔬菜新鲜爽脆，混入麻酱已够芳香惹味，再捞埋只温泉蛋即倍添滑溜，！特上什锦刺身六点（$298）：共有六款o既什锦刺身每款同样有三件，摆盘成盆花咁靓，外观先值满分。带子质感软嫩，唯一以柠檬隔住就抢走咗带子本身o既味道。油甘鱼爽厚鲜甜，润泽肥美。北寄贝都好脆口。滑嘟嘟o既甜虾则爽润清甜。三文鱼鲜浓软润。海胆幼嫩柔滑浓甜。鸡皮串烧（$25/串）：热辣辣o既鸡皮串烧外脆内软滑，食落一啲都唔油腻，个人诚意推介！盐烧鸡翼（$32/串）：鸡翼皮脆肉嫩，一样