為食龍 (已結業)

嚟到中环参观完大馆，想喺附近食埋Lunch先走，记得朋友讲过有间日式餐厅以恐龙做主题，于是就去试下佢。餐厅有两层，楼底好高好开扬，座位坐得舒服，里面满布好多恐龙既装饰，如果带埋小朋友嚟一定好开心。三文鱼油甘鱼温泉蛋刺身丼有海带及鱼饼做前菜，份量都唔少，三文鱼及油甘鱼都系切得好厚，鲜甜味美，解冻处理得好好，加上刺身饭调味适中，配埋只流心既温泉蛋送饭一流，最后仲会跟埋杯冻既麦茶比你消滞。牛油蚬肉汤乌冬伴芝麻鸡翼牛油蚬肉汤非常出色，唔油腻唔肥，蚬肉份量好多，肉厚冇沙，食到最后连汤都饮埋，芝麻鸡翼炸得香脆，分开上唔会比汤浸淋，非常贴心。迷你蟹肉忌廉薯饼除左叫左两个Lunch Set，套餐可以加钱要一份薯饼，刚炸起热辣辣，忌廉软滑，加上蛋黄酱真系食唔停口。