炎鳥羽

营业中

休息中

居酒屋系最适合朋友聚会既地方，今日约咗一位老朋友去尖沙咀既炎鸟羽聚旧。餐厅环境宁静，装潢充满日式风格，特别系菜式木牌、屏风同木家私。落完单之后就送上前菜，前菜有我最钟意既牛蒡，另外二款系菠菜同青瓜萝卜。- 刺身拼盘拼盘有三文鱼、剑鱼腩、油甘鱼等六款刺身。大部分刺身都好新鲜，除左剑鱼腩太多筋令人比较失望。- 鸡肉棒鸡肉棒系每次食居酒屋必叫既食物🤩。鸡肉入面无加好多鸡软骨所以更加软绵松化，蘸上酱汁之后口感更加细滑。- 日式秋葵豚肉一层好薄既豚肉包住秋葵，豚肉带少少油脂，秋葵可以平衡返豚肉既油脂，配搭得宜👍🏻- 牛舌厚切牛舌真系好厚身，肉汁丰富，调味适中。- 浦烧鳗鱼鳗鱼好细件，肉质都几嫩滑，而且酱汁好香甜。- 烧日本茄子朋友以为系类似港式烧茄子所以叫左，点知原来好细件🤣，不过更可以食到日本茄子既原汁原味。- 鸡皮饺子鸡皮饺子外皮酥脆带少少烟韧，而且充满肉汁，真系好邪恶😋饮品方面我哋叫咗巨峰梳打，配上串烧一流。总结而言，炎鸟羽既串烧令人印象深刻，刺身都唔错，的确系聚会嘅好地方！