影片
更多
2016-05-15
788 浏览
难得准时收工，同事提议一齐出去食饭，因为呢几个星期都好忙，晩晚OT，要对自己好啲；于是跟埋出去同佢地去揾食。横冲直撞去咗尖沙咀嘅和歌山，无他嘅，因为啱啱满足我地三个人嘅愿望：一个想食日式料理、一个想要有酒饮嘅地方、一个想食特别啲。呢度有张长bar 枱，可以一边品尝美食一边饮青酒。我地未点食物，同事等唔切order咗青酒，味道清纯，容易入口。日本萝卜芝麻酱沙律（$68），萝卜清甜爽口，配上自家制芝麻酱，开胃醒神，切成粗条大增口感。三文鱼他他拼柚子味噌（$108），卖相好靓，新鲜挪威三文鱼，微烧再卷成卷状；配上大葱碎、四季红和黑鱼子。四季红是可以食用的，味道甘香，配合柚子汁，感觉清新。刺身7点（$298），oh my God，呢个系我第一眼见到嘅反应，好靓，好新鲜，由底至上，淡味至浓味。来自北海道的带子肥美嫩滑，北方四岛甜虾爽口弹牙，肥美三文鱼系挪威新鲜空降，呑拿鱼系蓝鳍吞拿鱼赤身位置，厚切油甘鱼甘香回味，仲有两款飞机货嘅刺身，唔记得咗个名，系平时好少食到嘅新鲜刺身。海鲜茶碗汤（$98），海鲜汤清甜，加一两滴青柠令鲜味提升。海鲜有虾、蚬及带子等，份量足；用小杯子喝汤也是第一次，可细味汤的味
横冲直撞去咗尖沙咀嘅和歌山，无他嘅，因为啱啱满足我地三个人嘅愿望：一个想食日式料理、一个想要有酒饮嘅地方、一个想食特别啲。
呢度有张长bar 枱，可以一边品尝美食一边饮青酒。我地未点食物，同事等唔切order咗青酒，味道清纯，容易入口。
日本萝卜芝麻酱沙律（$68），萝卜清甜爽口，配上自家制芝麻酱，开胃醒神，切成粗条大增口感。
三文鱼他他拼柚子味噌（$108），卖相好靓，新鲜挪威三文鱼，微烧再卷成卷状；配上大葱碎、四季红和黑鱼子。四季红是可以食用的，味道甘香，配合柚子汁，感觉清新。
刺身7点（$298），oh my God，呢个系我第一眼见到嘅反应，好靓，好新鲜，由底至上，淡味至浓味。
来自北海道的带子肥美嫩滑，北方四岛甜虾爽口弹牙，肥美三文鱼系挪威新鲜空降，呑拿鱼系蓝鳍吞拿鱼赤身位置，厚切油甘鱼甘香回味，仲有两款飞机货嘅刺身，唔记得咗个名，系平时好少食到嘅新鲜刺身。
海鲜茶碗汤（$98），海鲜汤清甜，加一两滴青柠令鲜味提升。海鲜有虾、蚬及带子等，份量足；用小杯子喝汤也是第一次，可细味汤的味道。
烧呑拿鱼鲛（$498），好大块呀，平时三文鱼鲛食得多，第一次食呑拿鱼鲛，皮脆多肉，肉质鲜美，可点酱油，我自己喜欢不点酱油，已经好好食。
店员仲帮我地切开细细件，好贴心。
蕃茄猪肉配鳕鱼片（$128），本身以为鳕鱼片系一块块的鳕鱼，原来我自己误会咗，系鳕鱼片上配猪肉食。鳕鱼片质感有啲似鱿鱼片，香甜唔会鯹，配炒肉碎，增加口感。
呢个餐好特别，好得意。张贴
