影片
更多
2023-09-15
52 浏览
喰楽咁啱有野做去开观塘，就睇下有咩好食，睇到哩间shabu shabu 既评价好高，就book 左位去食。间舖其实得4张枱，每张枱既空间都好足够，私隐度好高，想同朋友倾八卦都唔洗就住就住。如果平日食饭时间要walk in 都好大机会冇位，大家记得book 左位先去。关东风寿喜烧锅定食 Shabu Shabu Sukiyaki pot 午市定食就包左三式前菜、日本鸡蛋、野菜锅、珍珠白饭(任添)同甜品。三式前菜 第一款系辣味既芽菜，佢既味道有啲似韩式既辣，而上边有少少木鱼碎，但夹埋一齐食又会觉得佢既味道变日式左。🤤第二款系蟹膏玉子烧，呢一款系我最中意既前菜，蟹膏既味道超浓郁，而且有少少海苔，一齐食味道系十分夹。蟹膏好食到忍唔住夹左少少捞饭食，如果佢有蟹膏饭相信都会好大卖，因为真系超好食!😉第三款系牛腩萝卜，估计应该系关东煮既煮法，牛唔算好淋可以夹开𠮶种，但系佢俾既size 系好大旧，味道亦偏甜。而萝卜就真系好好好好好食，佢超级清甜同埋一啲根都冇，应该用左日本萝白，而唔系用超市几蚊一大条𠮶啲。😋日本产A5 和牛 100g $198讲返主角，睇相都觉得佢既纹理好靓仔，食落都十分之好食，如果就咁
咁啱有野做去开观塘，就睇下有咩好食，睇到哩间shabu shabu 既评价好高，就book 左位去食。
间舖其实得4张枱，每张枱既空间都好足够，私隐度好高，想同朋友倾八卦都唔洗就住就住。如果平日食饭时间要walk in 都好大机会冇位，大家记得book 左位先去。
关东风寿喜烧锅定食 Shabu Shabu Sukiyaki pot
午市定食就包左三式前菜、日本鸡蛋、野菜锅、珍珠白饭(任添)同甜品。
三式前菜
第一款系辣味既芽菜，佢既味道有啲似韩式既辣，而上边有少少木鱼碎，但夹埋一齐食又会觉得佢既味道变日式左。🤤
第二款系蟹膏玉子烧，呢一款系我最中意既前菜，蟹膏既味道超浓郁，而且有少少海苔，一齐食味道系十分夹。蟹膏好食到忍唔住夹左少少捞饭食，如果佢有蟹膏饭相信都会好大卖，因为真系超好食!😉
第三款系牛腩萝卜，估计应该系关东煮既煮法，牛唔算好淋可以夹开𠮶种，但系佢俾既size 系好大旧，味道亦偏甜。而萝卜就真系好好好好好食，佢超级清甜同埋一啲根都冇，应该用左日本萝白，而唔系用超市几蚊一大条𠮶啲。😋
日本产A5 和牛 100g $198
讲返主角，睇相都觉得佢既纹理好靓仔，食落都十分之好食，如果就咁食既话可能会觉得有少少偏甜，始终寿喜烧都系偏甜，但系只要点左蛋汁再配埋饭一齐食，今个蛋中和左寿喜烧既甜味，再加埋啲饭就抵销左和牛既油腻感，食落真系人生一大享受。和牛真系点食都好正 🫶
北海道豚肉 100g $108
睇图可能会觉得佢有少少肥，但系其实片肉好大块，肥肉既比例系十分之完美，佢既厚度唔会令你涮完之后变到好韧，而且豚肉同寿喜烧个汁系超夹😋。不过同牛肉相比固然有啲失色，但其实豚肉都好好食，唔想食牛肉既话可以叫豚肉食，心思思两样都想试既话就可以拣肉类复仇者联盟。
野菜锅
野菜系一开始就煮熟左，一上枱就可以即食，有腐皮、豆腐、冬菇、芋丝、洋葱等等，种类多而且量都多，唔好睇图以为佢好少，一路夹啲菜好似无穷无尽咁，食极都仲有。个锅嘅分量如果比细食啲既女仔就咁食其实都可能够饱🤰。
白桃乌龙
啱啱坐低既时候，店员斟咗一杯茶，开头以为系普通绿茶，但系饮落浓郁得嚟好清甜，问落先知原来系白桃茶😂狗仔觉得好饮过平时自己买𠮶啲白桃茶包好多😂
冲绳盐雪糕
一开头听落有啲惊佢会好怪，佢唔系一款好甜既雪糕，有少少咸咸地，但其实食完寿喜烧偏甜既食物之后，食哩款雪糕就可以令自己冇咁漏，哩样配搭可以一赞。
Overall: 午市价格黎讲性价比极高，睇相都觉得啲牛既花纹系劲靓，而且服务好好，店员见到你杯茶就冇既时候会行过嚟斟满，个炉就冇火既时候都会好主动咁行过嚟落蜡烛。整体嚟讲十分满意，份量都冇可挑剔，狗仔饱到食唔哂个野菜锅，男士既话份量一定够，而且白饭都可以添。如果去开观塘极推荐大家去哩间食🐶 非打手，自费去食。
味道:🌕🌕🌕🌕🌕
环境:🌕🌕🌕🌕🌗
分量:🌕🌕🌕🌕🌗
服务:🌕🌕🌕🌕🌕
CP值:🌕🌕🌕🌕🌑
Overall:Good shit💩
加一服务费：✅
喰楽
观塘开源道60号骆驼漆大厦第3座9楼H室
#dog观塘
张贴
