Ember (已結業)

餐厅环境非常舒服，好适合同朋友一齐嚟饮酒，而呢一度主要都系食fine dining，服务都非常好，侍应好有礼貌。前菜我就嗌左青口意大利粉配蓝芝士忌廉汁，因为系前菜，所以意大利粉嘅份量唔多，但味道烹调得非常之好，青口有三只，好重忌廉汁味。蓝芝士忌廉汁煮到好浓，完全黐住晒啲意粉，食落口好creamy。而我嘅主菜就嗌左rib eye, 五成熟嘅肉眼扒煎得啱啱好，肉眼扒煎得好入味，厚度啱啱好，亦有成只手掌咁大。啲配菜包括左菠菜、薯仔、蕃茄仔等等，都食得出用咗唔少时间烹调。而我点嘅呢一杯cocktail, 饮落口西柚同菠萝味混合，酒精味唔算好重，反而菠萝味比较出。