大公館

营业中

休息中

大公馆集团旗下有经营中菜、日菜、多款菜式，旗下中菜万庆轩一向以会所式经营，更曾经获得「米芝莲指南」推荐🧞‍♂️今次朋友带我去食晚饭，强烈推荐一定要试个黄酒煮鸡，佢上次食完超级回味🧚朋友一早点左菜，除左黄酒煮鸡，小菜主食甜品都叫埋，有埋个menu，好细心清晰🧞‍♂️座位都好阔落，唔会好似酒楼咁嘈吵，可以同朋友静静咁食饭倾偈，尤其适合商务午餐/晚餐🧞‍♂️第一道菜系 桂花黑醋脆鳝，卖相超级精美，盘龙脆鳝咁上枱，洒上少许芝麻和菠萝，相当吸引。职员会好贴心咁帮将鳝剪成一嚿嚿，方便客人进食。鳝入口酥脆，外脆内软，配合菠萝酸酸甜甜好开胃。第二道菜就系最期待嘅花胶野菌黄酒煮鸡，一端出已经闻到黄酒嘅香味！先饮一啖汤，味道好浓郁，入口唔会话好重酒味🧛‍♂️ 花胶好厚实，唔会炆到好淋，比较有咬口，充满胶质。鸡吸收晒黄酒嘅精华，好juicy嫩滑。饮用后感觉成身暖笠笠，冬天食真系好味又滋补🧚‍♂️姜米酒炒芥兰份量好多，始终都系冬天芥兰最当造。梅菜王围虾叉烧炒饭好大碟！炒饭金黄色，粒粒分明，够干身有镬气。虾好爽口，再埋梅菜甜甜地丰富左个味道🧝‍♀️本来已经食到好饱，但见到传统中式甜品- 芝麻卷真系好怀旧阿！入口烟韧唔痴牙，