雅 ‧悠蔬食

营业中

休息中

前几日又想食素，又唔想净系食菜，就去左呢间装修几靓嘅创意fusion素菜。晚市套餐 $258都有几多野食，首先有两款前菜，分别系泰式香茅金柚鲜果沙律同埋凉拌日本黑豆亚塔子黑木耳。两款前菜都系比较清新开胃嘅。茶树菇竹笙黄耳百合雪莲子炖汤感觉好养生，系足料嘅炖汤。手卷有两款可以拣，我拣左香芒牛油果苜蓿芽手卷。我以为会系芒果同牛油果底下会有醋饭，点知原来系苜蓿芽代替左醋饭。冇醋饭嘅手卷我都系第一次食，估唔到又几夹，清新好味。黄咖哩藜麦野菜烩秀牛 配印度煎饼 及珍珠糙米饭有齐印度煎饼同珍珠糙米饭真系好，满足我呢个又钟意食煎饼又唔可以唔食饭嘅饭桶。咖哩味道似葡汁，入面野菜种类有好多，份量亦都多到够送晒啲饭同煎饼有余。秀牛系我最钟意嘅配料，食落似面筋，同咖哩好夹。古法黑芝麻糕呢款怀旧糕点比较少食到。呢个套餐包埋呢款甜品真系好。食落弹牙，黑芝麻味香。