WAKARAN

营业中

休息中

Item: WAKARAN
Rating: 4
Author: HODDD

4.5

28 食记

味道

环境

服务

卫生

抵食

5020

湾仔

$201-400

多国菜

HODDD

等级2

今晚试咗位于湾仔船街一间叫’和华兰Wakaran’既亚洲料理餐厅试下中西fusion菜，有少少份子料理既概念元素，啲菜式都几特别、几有新鲜感。用上一啲平常既食材，转个做法加点创意，成个菜式既味道同层次就唔同左，呢啲就系烹饪既有趣之处，食既时候亦会感受到厨师既心思。餐厅装修别致，几配合fusion嘅主题，餐厅今晚多booking，所以我地被安排坐吧枱，吧枱睇到厨师准备食物既过程，旁边系一个出菜位，见到好多唔同菜式，样样都几吸引。餐厅有好多唔同类型嘅菜式，各种生、熟类小食、寿司卷、刺身、烧物、主食同埋甜品，好多都系小碟小量，所以可以试多几个款式，几适合两三个知己去食饭倾计。餐厅侍应有礼貌，本身谂住系OpenRice睇下食评推介d咩食物先决定点order，然后一个有礼貌又好好笑容嘅侍应行埋黎，佢竟然好用心将全版Menu都介绍晒，仲推介边啲好食同用咩烹调方法，仲提醒我哋有啲食物既口味特性俾我地去考虑，真心未食已加分，好耐未试过有餐厅会主动行埋嚟详细介绍，香港既餐厅真系好需要呢种服务态度，会令人记住间餐厅、会想再返黎食、甚至推介俾朋友，走前我问个侍应叫咩名，Hoxxx欣赏你既工作态度 Thank

今晚试咗位于湾仔船街一间叫’和华兰Wakaran’既亚洲料理餐厅试下中西fusion菜，有少少份子料理既概念元素，啲菜式都几特别、几有新鲜感。用上一啲平常既食材，转个做法加点创意，成个菜式既味道同层次就唔同左，呢啲就系烹饪既有趣之处，食既时候亦会感受到厨师既心思。

餐厅装修别致，几配合fusion嘅主题，餐厅今晚多booking，所以我地被安排坐吧枱，吧枱睇到厨师准备食物既过程，旁边系一个出菜位，见到好多唔同菜式，样样都几吸引。餐厅有好多唔同类型嘅菜式，各种生、熟类小食、寿司卷、刺身、烧物、主食同埋甜品，好多都系小碟小量，所以可以试多几个款式，几适合两三个知己去食饭倾计。

餐厅侍应有礼貌，本身谂住系OpenRice睇下食评推介d咩食物先决定点order，然后一个有礼貌又好好笑容嘅侍应行埋黎，佢竟然好用心将全版Menu都介绍晒，仲推介边啲好食同用咩烹调方法，仲提醒我哋有啲食物既口味特性俾我地去考虑，真心未食已加分，好耐未试过有餐厅会主动行埋嚟详细介绍，香港既餐厅真系好需要呢种服务态度，会令人记住间餐厅、会想再返黎食、甚至推介俾朋友，走前我问个侍应叫咩名，Hoxxx欣赏你既工作态度

Thank you。

今晚点左9样食物，首先拣左三款小食： Chicken Liver pancake, Scallop Tartare, Beef Tartare.
Maki Taco拣左两个口味: Wagyu & Uni Maki Taco, Chargrilled Otoro Taco.
主菜烧烤类拣左三款: Grilled Bone Marrow, Whole Roasted dry-aged ‘Ma Yau’, Whole smoked Pigeon
最后甜品就试左个份子料理既姜汁汤丸

Chicken Liver pancake
香脆外皮包住鸡肝、洋葱酱、粟子，最有趣既系皮外面用百珍甜醋做汁，出奇地夹，入口香浓👍🏻

Scallop Tartare
生带子片加上青苹果、青提子加basil oil做既汁，有啲类似Chilli powder洒上，口感辣辣地，个人觉得个汁太抢，遮咗带子本身嘅鲜味，还好。

Beef Tartare
生牛肉放咗喺个圆形嘅盒入面，上面洒咗一层肉松，在serve几块黑椒脆米饼，有别于一般嘅牛他他食法，几有趣

Wagyu & Uni Maki Taco, Chargrilled Otoro Taco
和牛好腍，配海胆一定夹，烧过嘅拖罗鱼好香，油份好重，用饭同炸紫菜饼夹住食，口感丰富，但性价比唔高

Grilled Bone Marrow
味道同口感都同预期嘅牛骨髓唔一样，牛骨髓上面放左火腿，感觉奇怪，只食到火腿味，个人唔太钟意咁硬脆既sour dough，唔系我杯茶

Whole Roasted dry-aged ‘Ma Yau’
平时都系就咁蒸或者食咸鲜马友，马友个皮煎焗得好香脆，配上红衫鱼同马友打成嘅汁，第一次食呢种煮法，好味、几特别👍🏻

Whole smoked Pigeon
最好味嘅一道菜，乳鸽唔会太熟带点粉红，烟熏过再焗好香浓入味，加埋个酱汁好正，推👍🏻

Ginger Rice Bomb Dumplings
结尾就系一粒分子料理姜汁汤圆，成粒放入口轻轻一咬姜汁爆出，然后中间有粒小丸子，有创意，但系一啖就食完咗🤣