香馥樓

营业中

休息中

今日黎到锣湾广场二期6楼呢间香馥楼, 一尝创新高级粤菜!🐷最令我印象深刻嘅系佢嘅咕噜凤梨黑毛猪肉, 呢个菜式无论喺卖相定系创新程度都做得好出色，一上菜, 个干冰形成既仙气就已经非常夺目, 个摆盘都好靓, 成件事好艺术! 第一次见凤梨同咕噜肉分开摆, 几新颖! 咕噜肉, 皮脆肉嫩, 甘香可口, 一咬开, 黑毛猪肉既肉汁四溢, 充满肉香; 凤梨切好左一块块, 表面有烤过, 食落好清甜多汁, 完全没有渣, 食落好舒服。🐓辣味口水鸡做得够重口味，充分表现到川味嘅特色。🦀鲜蟹肉桂花瑶柱炒米粉都好好食! 煎过既蟹肉非常香口, 米粉炒出黎好松化软绵, 食落唔油腻, 配埋是拉差辣椒酱更惹味！服务方面，侍应态度专业，服务一流，又会帮客人斟茶，洗餐具同更换餐具，好贴心；环境干净企理，装潢光鲜亮丽，整体黎讲，香馥楼系一间值得推介嘅创新中菜馆，虽然价钱可能稍为贵啲，但凭住佢嘅创意同品质，都值得一试！