臨家麵館

营业中

休息中

睇完戏到咗大坝街食晚饭，贪呢条街多嘢拣吖嘛，行过见有间新粉面铺开咗，价钱唔贵就入去试试啦。睇睇餐牌，主打阿里山酸汤粉或沙茶汤，仲有台南扁粉，唔唔，就界定佢系食台湾嘢啦。⭐红酸汤猪润台南扁粉既然系主打咁就试下呢个红酸汤同埋台南扁粉先，𩠌就拣咗要猪润。汤头酸酸地带有蕃茄香，入面仲混咗唔少杂菌、菜丝、芫茜同肉碎，味道丰富。猪润下的相当多，一锅入面起码有十几块，而台南扁粉口感有啲似河粉，滑滑地又有咬口。呢一锅真系唔简单，汤底本身已经好多配料，加上猪润同粉又好多，一锅根本食唔晒😂⭐台湾红烧牛腩面朋友就话拣个大路嘅红烧牛肉面，不过睇清楚餐牌，呢度系写红烧牛腩面嘅。朋友个碗一样好大碗，牛腩有五、六件，件件厚切，炆得软腍入味，咬落仲系胶质状添🤤个汤底浓郁鲜甜，台湾面弹牙有咬口，好好食呀。⭐麻辣蒜泥五花腩片落单时冇谂过两碗粉已经咁多肉，仲嗌咗两款肉食系小食添，先嚟呢个麻辣蒜泥五花腩，五花腩薄切但肥美，咬落甘香好正。个生蒜好辣口，但越食越上瘾，最后忍唔住食晒成盘蒜😆⭐麻辣大肠仲有麻辣大肠，虽然个名冇蒜泥两字，但系上面都系铺满麻辣加蒜泥，基本上同五花腩片调味一样嘅。大肠清理干净冇异味，肥滋滋有咬口，吸左麻辣