拉麵台風 (已搬遷) 新店位置

依间次次都要排队，胜在份量超多，男仔都够食。果时嗌九级台风极辣拉面，卖相就似专门俾食得辣嘅人挑战，海量式嘅辣粉加上本身已鲜红色嘅猪肉汤，的确一般人千祈唔好试咁辣。先讲配料，两粒半份嘅糖心蛋已比其他地方多，而且味道不俗，都有流质感。两大块紫菜铺上鱼粉，自由选择沾上几多，令汤提升多一个层次，笋片亦大块又厚，毫不吝啬，洋葱片衬汤会刺激到整体味道。唯独叉烧方面虽然好多，但松散又偏干，冇乜加工过感觉，依点就逊色少少。汤底出名够浓够柔绵绵，挂汤冇难度，而且每啖都感受到熬制十几个钟嘅香味。不过因为好浓，可能有人饮得多会觉得腻。至于粗面多且质量好，值得赞，又弹牙又好味，今次加底竟然差啲食唔晒。