帕維亞意大利餐廳

营业中

休息中

一坐低，就有篮香喷喷既面包上枱🥖🧈首先讲下蒜茸包，十分香脆，包面脆，包心软熟，外脆内软又香口！芝麻包中间夹住冰冻既牛油🧈，冰火芝麻包，好似食紧零糖份菠萝油咁！前菜软壳蟹芒果沙律🥗软壳蟹大大只咁，炸到超脆口，入面既蟹肉好正，用芒果黎配搭绝对一流，就咁食软壳蟹可能会有少少济，但夹埋芒果同沙律菜一齐食，就变左令人开胃既前菜💕Pavia Special Pizza🇮🇹呢个系餐厅既精选薄饼👏🏻材料有蘑菇，黑松露酱，火煎菜，马苏里芝士🍕Pizza成日食，但较少餐厅会用黑松露酱焗pizza, 好香，再加埋磨菇，野菌味劲香，个感觉似黑松露杂菌意大利饭，钟意食杂菌既食家绝不能错过！👏🏻👏🏻👍🏻香煎智利海鲈鱼🐟鲈鱼原条上！😍😍😍店员一放低条鱼，隔离两张枱即刻望住！因为劲香！煎到卜卜脆！鱼皮香口脆口，鱼肉鲜甜似蟹肉，基本上可以唔使沾酱，净系食脆口同鲜味已经够唒！总结：Pavia呢间餐厅，用料靓，厨艺好，环境舒适，已经book左下个月再食啦！🙌🏻🙌🏻🙌🏻🙌🏻🙌🏻