瀛豐放題料理專門店

营业中

休息中

今日约咗朋友喺铜锣湾食日式放题，佢地推介呢间日式放题性价比高，所以一于去试吓。我地叫咗佢地嘅升级海鲜，系任食嘅，所以非常抵食。每样刺身都劲新鲜，带子同海胆都好鲜甜，第1次食鱼子酱，原来味道系好鲜，每粒鱼子喺口果度爆开，都几好味，长脚蟹都有海水味，食落好重蟹味，鲍鱼都几大只，味道非常好。佢地嘅炸物唔油腻，热辣辣，都几香脆，而寿司同手卷都系即叫即整，都几新鲜。除咗日式食物外，佢地做紧泰国主题，都有好多款泰式食品，我地叫咗辣椒膏抄蚬，泰式炒杂菜，2款都劲惹味，炒得好香，好有泰式风味。出面仲有好多甜品，饮品同冷盘，都几多元化。