影片
更多
2023-08-25
52 浏览
呢日去咗天水围打边炉,呢间火锅店喺天耀商场,好近天水围西铁站😋都几方便最钟意台式嘅火锅,啲汤底特别啱食,又有手摇🤭今次呢间火锅店好靓,有几棵樱花树🌸做装饰,见到都开心啲。价钱又唔贵,拣咗B餐任食90分钟都系每人$268加一。汤底有九种选择,每人可以拣一款。我哋有两个人,所以就可以拣两款汤底。我哋拣咗芝士牛奶锅，同埋台湾惹味沙茶汤。两款都好正。芝士牛奶锅一定要试吓，因为系佢哋店独家汤底，喺其他地方都好少见，果然冇令我失望😋🤭好好味呀！打边炉调味料好重要，呢度嘅调味料有蒜、葱、芫荽、辣椒、沙茶酱同埋芝麻酱。呢度嘅豉油都几好味，唔会好咸👍🏽饮品方面有好多手摇拣，好正！有珍珠奶绿、小芋圆奶茶、百香果梳打、荔枝梳打、水果茶、桂圆红枣茶、凤梨乳酸梳打、凤梨梳打、珍珠奶茶、四季春、蜂蜜绿茶等等………见到珍珠奶茶真系好想叫🥹不过忍住咗🤣惊饮到太饱食唔落🤣🤣🤣最后叫咗四季春同百香果红茶。点单𠮶阵可以拣甜度。我拣咗少甜少冰👍🏽好啱饮。小吃方面都有好多选择，例如有绍兴醉鸡、夜市甜不辣、盐酥鸡、花枝丸、台湾香肠、台南府城虾卷、宜兰葱肉饼等等台湾小食。连榴梿炸弹都有😮真系超级多选择!!!肉类有极上牛翼板、精选牛
呢间火锅店喺天耀商场,
好近天水围西铁站😋都几方便
最钟意台式嘅火锅,啲汤底特别啱食,又有手摇🤭今次呢间火锅店好靓,有几棵樱花树🌸做装饰,见到都开心啲。
价钱又唔贵,拣咗B餐任食90分钟都系每人$268加一。汤底有九种选择,每人可以拣一款。
我哋有两个人,所以就可以拣两款汤底。我哋拣咗芝士牛奶锅，同埋台湾惹味沙茶汤。
两款都好正。芝士牛奶锅一定要试吓，因为系佢哋店独家汤底，喺其他地方都好少见，果然冇令我失望😋🤭好好味呀！
打边炉调味料好重要，呢度嘅调味料有蒜、葱、芫荽、辣椒、沙茶酱同埋芝麻酱。呢度嘅豉油都几好味，唔会好咸👍🏽
饮品方面有好多手摇拣，好正！有珍珠奶绿、小芋圆奶茶、百香果梳打、荔枝梳打、水果茶、桂圆红枣茶、凤梨乳酸梳打、凤梨梳打、珍珠奶茶、四季春、蜂蜜绿茶等等………
见到珍珠奶茶真系好想叫🥹不过忍住咗🤣惊饮到太饱食唔落🤣🤣🤣最后叫咗四季春同百香果红茶。点单𠮶阵可以拣甜度。我拣咗少甜少冰👍🏽好啱饮。
小吃方面都有好多选择，例如有绍兴醉鸡、夜市甜不辣、盐酥鸡、花枝丸、台湾香肠、台南府城虾卷、宜兰葱肉饼等等台湾小食。连榴梿炸弹都有😮真系超级多选择!!!
肉类有极上牛翼板、精选牛板腱、纽西兰草饲羊、茶美豚梅肉、西班牙粟饲猪梅片同羊肉卷。食落觉得都唔错👍🏽
呢间餐厅最吸引我嘅系佢唔单只火锅任食，仲要有劲多款唔同甜品都系任食🥹🥹实在少见！包括有红豆巧克力配迷你窝夫、云尼拿雪糕配迷你窝夫、朱古力雪糕配迷你窝夫、火龙果雪花冰、飘雪世界、芋圆仙草冻、柠檬爱玉冻、凤梨雪花冰，同埋芒果布丁。我最后就叫咗朱古力雪糕配埋你窝夫，雪糕加埋窝夫真系好夹。最开心嘅系佢全部甜品都系细细份，可以浅尝一下又唔洗怕食得太饱😋
另外餐厅仲有Movenpick雪糕、森永布甸同乐天西瓜雪条可以叫。呢几样野就每人只限一杯。不过我一件都食唔落了😂 食完朱古力雪糕配迷你窝夫已经觉得呢餐圆满😆😆😋👍🏽
张贴
