影片
更多
2009-06-17
30 浏览
寻日(16-6-2009 Tue)傍晚同男友,大嫂,爸爸上大陆后返港,回程途中,大嫂约o左大哥o黎呢间食晚饭,叫佢攞位先,而二哥都放o左工一齐食饭,咁就六个人o系呢o度食晚饭喇.由于爸爸唔可以食太多海鲜,所以否决大嫂想叫o既海鲜餐,而女侍应介绍一个好似二百几蚊o既晚饭三宝餐,有:1. 百味豉油鸡半只食到有少少玖瑰花味,唔算太咸,鸡肉唔’鞋’仍滑,冇问题.2. 原煲螺头花胶筒煲鸡(加$20.00)因原本系原炖冬瓜盅,但话卖晒,所以我o地改呢个,不过要加钱.乳白色o既汤又香又热,清清甜生,材料亦好够,花胶o既胶质都融入o系汤里面,重有淮山.一煲汤可分到十几碗,抵.3. 清蒸虎斑仔名副其实系虎斑仔,细细条,蒸得o岩o岩好,鱼肉滑,好味.散叫o既有:4.蒜蓉粉丝蒸元贝(六只)o岩o岩好一人一只,睇到落o左好多蒜蓉,食落,元贝几新鲜,且仍有裙边o系o度,几老实.但蒜蓉太多好咸,粉丝量都唔算少.5.中西芹鸳鸯蚌我觉得好够味,唔使蘸虾酱,呢个𩠌冇乜问题.6.格兰海鲜巢大嫂讲笑试吓呢o度o既雀巢有冇油’益’味.餐牌上写明系腰果,但o黎到时系夏威夷果仁,好彩全家冇人抗拒夏威夷果仁,其实夏威夷果仁比腰果清
由于爸爸唔可以食太多海鲜,所以否决大嫂想叫o既海鲜餐,而女侍应介绍一个好似二百几蚊o既晚饭三宝餐,有:
1. 百味豉油鸡半只
食到有少少玖瑰花味,唔算太咸,鸡肉唔’鞋’仍滑,冇问题.
2. 原煲螺头花胶筒煲鸡(加$20.00)
因原本系原炖冬瓜盅,但话卖晒,所以我o地改呢个,不过要加钱.
乳白色o既汤又香又热,清清甜生,材料亦好够,花胶o既胶质都融入o系汤里面,重有淮山.一煲汤可分到十几碗,抵.
3. 清蒸虎斑仔
名副其实系虎斑仔,细细条,蒸得o岩o岩好,鱼肉滑,好味.
散叫o既有:
4.蒜蓉粉丝蒸元贝(六只)
o岩o岩好一人一只,睇到落o左好多蒜蓉,食落,元贝几新鲜,且仍有裙边o系o度,几老实.但蒜蓉太多好咸,粉丝量都唔算少.
5.中西芹鸳鸯蚌
我觉得好够味,唔使蘸虾酱,呢个𩠌冇乜问题.
6.格兰海鲜巢
大嫂讲笑试吓呢o度o既雀巢有冇油’益’味.餐牌上写明系腰果,但o黎到时系夏威夷果仁,好彩全家冇人抗拒夏威夷果仁,其实夏威夷果仁比腰果清,重好食.
呢个𩠌亦整到一贯水准,冇咩出错,冇问题.
7. 蒜蓉炒白菜
呢个应该系漏单,因为我o地食完所有o野,落单叫糖水时,女侍应至惊觉冇o黎到.
上枱时嗅到好香蒜蓉味,因为系金蒜,而白菜,我觉得系小棠菜,有啲苦.同埋食得出呢个系用上汤浸熟o左啲菜,沥干后酒上金蒜,都冇兜匀.
8.$7.80o既海带绿豆沙
除o左爸爸要紫米露外,个个都要呢样,o黎到时至知原来唔系用碗仔装,而系用一个砵,吓o左我o地一跳.
呢个唔系太甜,有臭草香,唔太杰又唔太烯,o岩o岩好,OK o既..
加埋四碗白饭,埋单$683.00
服务:
呢晚坐满客人,个个做到踼晒脚,但侍应间已经尽量沟通,提供较好o既服务,明显比以前改善.
张贴
