音樂人家 (已結業)

最近好多朋友搅p，依度系第一次黎，几好呀，地方够大好有气氛。去过咁多楼上cafe依间好似最多空间，可能因为唔系摆到满台，全场大概只有十张台，空间好多唔会逼。有一大块空地仲可以玩游戏，有卡拉ok（的歌都几多架）但音响就好正，听讲好多人系度开小型音乐会，连超级巨星帮同埋星光成员都黎开过音乐会。不过只有数码钢琴，如果有多套鼓就更方便啦。讲番食野个晚我地廿几人有三盘饭意粉，瑞士鸡翼，波罗肠仔，焗西兰花，鲜果沙律，咖喱角著条，重有三文治，好多野食，重有橙同布甸甜品，大家都食得好饱份量真系几够，最抵赞系够热够新鲜。原来真系即煮所以咁够味。稍嫌甜品种类不够多，多的选择就更好啦。饮品有花茶同汔水果什类，任饮不过要用番同一个杯，虽然环保就麻烦左的。不供应酒精类饮品不过可以自己带，都几好。设备几齐全连投彰机都有，不过要俾200呅，我地用佢地个电视机放poweRPoint就唔使钱。服务都唔错，起码唔会俾面色你睇，问佢乜野都好耐心帮手，真系算咁啦。每位收138全包无加一，算合理价钱，去过好多间包场cafe，我会推介依度。