音樂人家 (已結業)

第一次搞包場，上openrice搵到音樂人家，見評語一般，但又被包場吸引咗，所以就試一試呢次係同事聚會本來有41人，訂位時好似neway咁要報人數，有加無減，咁就先訂40人，最後係得39人到，所以要照俾40人錢，幸好Mable提我先問同事收錢，就唔怕走數，最後呢位唔嚟嘅朋友唯有錢到人唔到。先講場地，同事們好high,可能係包場關係，全部自己人，就玩得放d，仲玩到唔願走，可惜包場係有時限的，到十點半就要交場。有台又有歌唱，仲有個琴可以自彈自唱，好好feel。我哋自備咗d氣球去佈置，店主老公仲幫手一齊貼個backdrop，勁好人。食物方面，我哋自己買咗乳豬，店主都好配合，借個推車俾我哋，隆重地推隻豬出嚟，好似去飲咁，之後店主老公仲幫忙剪豬，因為怕d油整到周圍地方，所以只可以用剪。而包場食物方面，我哋揀$258套餐（人頭收費）另加一盤腰果雞丁$480，雖然食物未必話好grand，但味道可接受。套餐包括：瑤柱蛋白炒飯 芝士焗吞拿魚意粉日式海鮮炒烏冬芝士焗西蘭花 炒雜菜 黑椒無骨豬手鹵水雞翼炭燒豬頸肉 …… （本人覺得最好食）長腳蟹棒煙三文魚日式小食 - 八爪魚，螺肉，中華沙律雞蛋雜果沙律啫哩糖

約食飯，不是去某商場的這間餐廳，就是到那兒的分店。終於有間特色店。座落於熱閙的山林道，走上商業大廈內卻又靜靜俏俏的遇到。。。山林深處人家－音樂人家也！一個舞台，放著鋼琴，米高峰。。。旁邊放著木製搖搖椅！歌者自彈自唱，陶醉在他的音樂之旅；客人亦欣賞著悠揚的結他聲及一首首經曲歌曲的演釋。真係好sweet　　在音樂下三五知己享受晚餐，確是賞心樂事，仲可以一齊點歌。　雖然有時音樂大聲，傾計會聽唔到，不過正正有好聽ＧＥ音樂，氣氛都好聽。音樂在前，雖然食物已變得不再重要，但味道還算不俗。是晚係家常小菜，陣陣飯香：　三杯雞　　咖喱牛腩　　炒菜　　　焗豬排飯每款主菜各送靚湯，白飯，加特色飲品［仲可以係花茶］，都係每款HK$120［另加一］我鍾意佢簡樸及自家屋企設計，仲有埋搖搖椅；不過說實，佢Ｄ燈光，又紅又綠，確實有點＂味道＂。。。哈哈！！最令人開心係服務員［可能係老闆呱］好殷勤招待，還不時叫我地點歌，或自己出去唱卡拉ok，鍾意音樂的人見到同道中人，係熱情Ｄ！

早前出席某君於午餐時段舉行的生日俾面派對, 早已預計這些地方的食物沒甚麼味道可言, 但估不到連款式及分量也少得可憐. 除飲品外, 食物分量少到不足夠供給每位賓客, o黎到係無嘢食的.真不知是主人家還是店舖出了問題. 主人家無面, 客人沒野食.食物味道及賣相: 味道一般, 不太難吃, 炒飯,炒意粉,魚蛋都是不熱的, 因用錫紙盤載著, 像是放了很久的到會食物, 服務: 自助形式, 沒有招呼, 沒人收碟, 只看到有兩位職員坐著談天.環境: 樓底矮, 去不掉舊式office的感覺.飲品: 唯一可取是罐裝可口可樂,雪碧,而非選用百事或其他等國產平價汽水.

侄女1歲生日嘞, 身為姑姐既我除左出錢(買生日禮物)之外, 當然唔少得出d力(策劃生日會)。 一個月前係O.R度見到呢間餐廳~音樂人家, 雖然它的包場食評分麻麻, 但卻無阻我book場既決心, 因為貪其場地夠大有成1,800呎, 環境又夠殺食, 帶點田園feel, 感覺舒適, 仲有個小型舞台, 好似hotel咁grand添…又見價錢相宜~下午茶時段任選三小時, 每位$60無加一, 大小同價, 包8款小食及任飲飲品, 30人以上仲送雞絲炒麵, 最低消費$1500。7月尾一於親身上去視察環境兼落訂$500, 想像中的場地好大, 但驟眼看來卻沒有多大的空間感, 實在難以想像可容納80人之多。 心想我地大慨有3X人左右還可以吧 (當日齊人後, 才知真是有很大的地方走動) , 只是略嫌餐單內既小食花款不夠豐富, 所以臨開party前的一星期, 一家人便上去再傾細節及添加食物。 8款小食之中, 當然以香口的春卷、咖喱角及炸薯條最受大小朋友歡迎。 餡料剛好的吞拿魚治味道也不錯, 可能因為熱量勁及飽肚而濟銷, 其他小食則一般已矣。 雞絲炒麵有好多配料, 炒得都唔錯。 是日添加既食物是服務員order外

果晚同fd包場,一上到去覺得氣氛幾好野食除左魚蛋怪怪地之外其他都唔錯野飲方面,檸檬水唔似檸檬水,橙水太淡店員態度幾好,我地o係度玩cream搞到成地都係都冇話我地果晚包場30人每一俾左130

我們的 2 週年紀念日簡簡單單食一餐飯！！好耐之前, 我揾左一個地方.. o係尖沙咀燭光晚餐,而且知道果度每晚都會有專業歌手獻唱中西 經典情歌既樓上cafe, 仲有舞池可以跳舞, 環境幽雅浪漫，超級岩情侶去。成個場地帶比人一種簡樸浪漫! 個View 正到暈.. 感覺好靜局，唔係一般樓上餐廳唔嘈，佈置好有田園feel book 左 7 點左右, 早左15分鐘上去.. 之後叫左二款中式小菜（三杯雞和豬扒飯), 叫左 2杯花茶, 而且仲有餐湯送.2杯花茶好特別架.. 心型架..仲可以望住個花花慢慢開..好靚靚侍應既服務態度好好, 好有禮貌.. 今晚成晚都無咩驚喜,亦無送週年禮物比我,不過算喇..今晚既節目全部都係佢負責book 場, 原諒佢.. 等食野之前,我地o係餐廳周圍影下相.. 成個場都好正呀..浪漫sweet 既 dinner 今晚真係一個好特別夜晚.. 點唱左 我最鐘意聽既 歌 "CATS - Memory" .. 真係估唔到.. 歌手都識唱依首歌.. 聽歌既時候, 我哼住首歌既旋律, 2個人坐o係張木櫈度, 靜靜地聽音樂.. 我真係好感激上天既恩賜.. 希望以後既每一年我地

食物一般, 有港式西餐既焗飯, 意粉, 咖喱.... 約八,九十蚊, 可加錢飲花茶例湯是老火湯, 不多味精.約一百蚊有歌聽也倒不錯,估計歌手應該是股東一份子, 一邊幫手落單, 收碟, 有空閒才上台唱歌.食客有老有嫩, 老的一檯很靜心聽歌, 有些更上檯跳茶舞, 似是常來很熟架步,後生的放工難得來聚一聚, 有時傾得興起, 不禁大聲說話起來,但是歌手有些脾氣....會開口叫人細聲說話免嘈住別人聽歌...

之前有朋友係度包場，覺得幾好，今次特別來試試晚飯如何。個晚客人唔多，得幾檯都唔夠十個人。最特別係有人唱歌，唱的係經典中英文歌，唔會太大聲，夠晒浪漫啦，的人都好靜咁食飯。而家一般餐廳都好嘈，可以靜靜地食餐飯都係一種好享受。兩個人各點左個中式套餐（西式套餐係焗飯意粉類太普通啦）一個三杯雞同埋個咕嚕班球，連湯連飲品，飲品有花茶同一般啡茶個類，我地叫左兩種唔同花茶，每種用個壺載住重可以加水，幾得意。湯只有中湯沒選擇，兩碟小菜份量都夠，味道都算ok，樓上cafe不會有太高要求。服務人員唔多，不過服務態度幾好，起碼唔會見到成班伙記係度吹水。埋單每位連加一唔使一百蚊，本來都幾貴，不過有歌星唱歌，有咁靜局環境，咁就唔算貴啦，太平就會變雜左，都係咁樣好。只係生意咁淡靜好難賺錢，朋友話依度成日都包場，所以影響左平時生意，佢黎幫襯要先訂位，如果唔係就分分鐘撞正包場。真係另類地方。

早排在OI見到呢間餐廳環境十分特別, 係一個以音樂為主題既餐廳來的. 於是打電話去訂位啦,不過原來間餐廳好多包場既生意, 好難得訂到位同我朋友上去一起晚餐.果晚上到去, 個環境真係好特別好特別, 比人有種好溫馨浪漫既感覺, 但係人客就不多. 果時仲有個歌手唱歌, 雖然唱到九點幾就完左, 但係果度有點唱紙架, 唔洗由歌手自己選, 仲有如果歌手可以唱耐d, 就沒咁單調. 場面好浪漫, 就咁看唔似一間餐廳囉. 響果度同朋友傾心事真係一流, 沒得頂.果晚我同我朋友叫左個肉醬意粉同吞拿魚意粉, 味道就都唔錯架. 順帶一提, 果度有花茶跟餐飲的. 但有d茶經常賣曬, 好采都有其他選擇, 我就叫左茉莉花味既茶, 味道就唔大, 不過就好香價錢來講唔算貴既, 有野吃又可以傾成晚計, 每個人一百蚊都唔洗, 抵曬!

最近好多朋友攪p，依度係第一次黎，幾好呀，地方夠大好有氣氛。去過咁多樓上cafe依間好似最多空間，可能因為唔係擺到滿檯，全場大概只有十張檯，空間好多唔會逼。有一大塊空地仲可以玩遊戲，有卡拉ok（的歌都幾多架）但音響就好正，聽講好多人係度開小型音樂會，連超級巨星幫同埋星光成員都黎開過音樂會。不過只有數碼鋼琴，如果有多套鼓就更方便啦。講番食野個晚我地廿幾人有三盤飯意粉，瑞士雞翼，波羅腸仔，焗西蘭花，鮮果沙律，咖喱角著條，重有三文治，好多野食，重有橙同布甸甜品，大家都食得好飽份量真係幾夠，最抵讚係夠熱夠新鮮。原來真係即煮所以咁夠味。稍嫌甜品種類不夠多，多的選擇就更好啦。飲品有花茶同汔水果什類，任飲不過要用番同一個杯，雖然環保就麻煩左的。不供應酒精類飲品不過可以自己帶，都幾好。設備幾齊全連投彰機都有，不過要俾200呅，我地用佢地個電視機放poweRPoint就唔使錢。服務都唔錯，起碼唔會俾面色你睇，問佢乜野都好耐心幫手，真係算咁啦。每位收138全包無加一，算合理價錢，去過好多間包場cafe，我會推介依度。

不知所謂!! 上星期book場同朋友開bday party, 一早已經去比錢包場. 初初態度幾好, 好有禮貌. 點知party當日, 打來confirm時間一D禮貌都冇, 講明party 3:00-6:00p.m.可以比我地早D去佈置, 竟然打來叫我地3:00p.m.先好上去. 好啦, 講佢知佢應承我地可以早D上去佢先話咁你上來啦. . . 嘩!! 咩態度?! 上到去問下燈可唔可以較, 因為係for 朋友的suprise party. 跟住仲要勁串話"咁你想點?"...都算, 只係想播歌一早講明可以自己帶MP3來, 又係好串咁話你好拎出來啦, 你想播咩? 超冇禮貌. 都算... 我地自行帶左個banner來話我地塊banner質素差, 你理得我o者?! 其實去book場個日有人開bday party, 佢已經同我地講人地整好貴佢地整好平. 但我地自己係出面整仲平過佢講的價錢lor. 即係唔幫襯佢, 就要比佢話... 好過份!! 仲有, 一早講明會借用個琴, 叫佢set個D好似好唔想比我地用咁. 如果係咁一係唔好比人包場or 借用任何儀器啦. 收人$1,500- 都係得燒賣春卷薯條三文治

先前已經BOOK左,貪佢靚同埋音響!!去到真係好正,好有feel同埋又夠大!音響都好好,自己帶碟去又得,同埋佢karaoke system既歌都好多!!佢野食都夠既,不過唔夠多元化,幾simple~但質素可接受!同埋飲品任飲!最值得讚係店員服務令我驚喜的是我們走了,搭左幾個站先醒起有人留了結他譜在那裡,店員原來都就放工,仲特登叫我地係地鐵站等佢佢拿番俾我地!!!GOOD VIEW!!GOOD SURVICE!!!!!VERY NICE!!!!個晚大家都玩得好開心!無揀錯!**掛住食,唔記得影食物

我地喺12月25號包左場,,之前果個人喺电話同我地講係12歲以下都係計細路,,但係,,到最后埋單果陣,佢同我地講係6歲以下囉仲要bb仔,,吾識行都要收$20,,話bb換片都佔左佢位置我想問,,我地吾系已经包左成個場嫁咩?d地方吾系全部都系我地包左嫁咩?咁点佔佢位置呢?我都未話佢果2個工作人員佔左我地位置啦- -"個場已經系我地既,,佔都系佔我地既位置啦,,關佢地咩事?做咩要收$20??仲有呀!!果2個工作人員根本只系斟汽水- -"都冇做過其他野- -"我地有d朋友喺未够鍾開始果陣想上去睇下入得姐,,都俾佢地班人趕番落黎,,班人超冇礼貌囉!

10月30日是一個很重要的日子..因為是日係我地公司結業的日子!。所以決定狂歡最後相聚的時光！終於找來一個地方可容納三十幾至四十人的場地 = "音樂人家"。包場勝在自已友點樣狂歡都唔怕蘇擾外人！"預訂時間本由6:30正10:30、但是我地各人都依依不捨的情況下決定加時。老闆話加鐘要$250/半個鐘。、最後我地加了個半鐘，總共$750....食物方面較為一般: 有- 什果沙律、肉醬意粉、炒烏冬、腸仔三文冶、咖哩角等另可自購外買而飲品較為差如:花茶、無忘我(都只是菜的一種名稱)、至於 "檸檬水"亦較為清淡。好似清水一樣不過總結來講 OK。包場一流當晚每人費用$220.00 (已包括自購食物

好多朋友介詔依間餐廳，話好特別，前幾日有人生日就約定黎試下。個日我地三個人7點幾到達，人唔係好多，感覺好靜局，唔係一般樓上餐廳唔嘈，佈置好有田園feel，我地叫左二款中式小菜（三杯雞和沙爹肥牛煲），一款豬扒焗意粉，當日餐湯係木瓜雪耳湯，都幾夠味，不過無選擇，得一種湯。值得讚的食物好夠熱，份量都好夠，味道都好好，當然唔可以同酒店級比啦，以樓上餐廳來說，真係好滿意架啦。七點幾開始有人唱歌，中英文歌都有，都係的經典情歌，唱得好好聽，最緊要係唔會好大聲嘈個隻，如果鐘意聽歌一定會鐘意，唔會有人嘈住，氣氛很好，系出面餐廳無既寧靜，居然系依度搵到，當然對一的鐘意熱鬧既人，依度就唔太岩。一百蚊唔駛一位有歌有食有飲，坐足三個鐘真係幾好，值得推介。不過我相信喜歡和不喜歡這地方的人會有兩極端反應，一係好鐘意一係好唔鋰意