影片
港铁佐敦站 D 出口, 步行约4分钟
继续阅读
开饭介绍
唯一每晚有專業歌手獻唱情歌的樓上cafe, 環境幽雅浪漫，燭光晚餐最適合情侶和高品味人士。
继续阅读
特色
庆祝纪念日
包场派对
营业时间
星期一至日
11:00 - 23:00
以上资料只供参考，请与餐厅确认详情
招牌菜
食记 (47)
第一次搞包場，上openrice搵到音樂人家，見評語一般，但又被包場吸引咗，所以就試一試呢次係同事聚會本來有41人，訂位時好似neway咁要報人數，有加無減，咁就先訂40人，最後係得39人到，所以要照俾40人錢，幸好Mable提我先問同事收錢，就唔怕走數，最後呢位唔嚟嘅朋友唯有錢到人唔到。先講場地，同事們好high,可能係包場關係，全部自己人，就玩得放d，仲玩到唔願走，可惜包場係有時限的，到十點半就要交場。有台又有歌唱，仲有個琴可以自彈自唱，好好feel。我哋自備咗d氣球去佈置，店主老公仲幫手一齊貼個backdrop，勁好人。食物方面，我哋自己買咗乳豬，店主都好配合，借個推車俾我哋，隆重地推隻豬出嚟，好似去飲咁，之後店主老公仲幫忙剪豬，因為怕d油整到周圍地方，所以只可以用剪。而包場食物方面，我哋揀$258套餐（人頭收費）另加一盤腰果雞丁$480，雖然食物未必話好grand，但味道可接受。套餐包括：瑤柱蛋白炒飯 芝士焗吞拿魚意粉日式海鮮炒烏冬芝士焗西蘭花 炒雜菜 黑椒無骨豬手鹵水雞翼炭燒豬頸肉 …… （本人覺得最好食）長腳蟹棒煙三文魚日式小食 - 八爪魚，螺肉，中華沙律雞蛋雜果沙律啫哩糖飲品任飲： 花茶， 果汁，汽水之前睇食評話食唔飽搞到我加餸，點知我哋最後食剩好多，好在店主Mable幫忙處理，未至於浪費同事們好enjoy，仲話下次party都係到搞咁話。
继续阅读
約食飯，不是去某商場的這間餐廳，就是到那兒的分店。終於有間特色店。座落於熱閙的山林道，走上商業大廈內卻又靜靜俏俏的遇到。。。山林深處人家－音樂人家也！一個舞台，放著鋼琴，米高峰。。。旁邊放著木製搖搖椅！歌者自彈自唱，陶醉在他的音樂之旅；客人亦欣賞著悠揚的結他聲及一首首經曲歌曲的演釋。真係好sweet 在音樂下三五知己享受晚餐，確是賞心樂事，仲可以一齊點歌。 雖然有時音樂大聲，傾計會聽唔到，不過正正有好聽ＧＥ音樂，氣氛都好聽。音樂在前，雖然食物已變得不再重要，但味道還算不俗。是晚係家常小菜，陣陣飯香： 三杯雞 咖喱牛腩 炒菜 焗豬排飯每款主菜各送靚湯，白飯，加特色飲品［仲可以係花茶］，都係每款HK$120［另加一］我鍾意佢簡樸及自家屋企設計，仲有埋搖搖椅；不過說實，佢Ｄ燈光，又紅又綠，確實有點＂味道＂。。。哈哈！！最令人開心係服務員［可能係老闆呱］好殷勤招待，還不時叫我地點歌，或自己出去唱卡拉ok，鍾意音樂的人見到同道中人，係熱情Ｄ！
继续阅读
早前出席某君於午餐時段舉行的生日俾面派對, 早已預計這些地方的食物沒甚麼味道可言, 但估不到連款式及分量也少得可憐. 除飲品外, 食物分量少到不足夠供給每位賓客, o黎到係無嘢食的.真不知是主人家還是店舖出了問題. 主人家無面, 客人沒野食.食物味道及賣相: 味道一般, 不太難吃, 炒飯,炒意粉,魚蛋都是不熱的, 因用錫紙盤載著, 像是放了很久的到會食物, 服務: 自助形式, 沒有招呼, 沒人收碟, 只看到有兩位職員坐著談天.環境: 樓底矮, 去不掉舊式office的感覺.飲品: 唯一可取是罐裝可口可樂,雪碧,而非選用百事或其他等國產平價汽水.
继续阅读
侄女1歲生日嘞, 身為姑姐既我除左出錢(買生日禮物)之外, 當然唔少得出d力(策劃生日會)。 一個月前係O.R度見到呢間餐廳~音樂人家, 雖然它的包場食評分麻麻, 但卻無阻我book場既決心, 因為貪其場地夠大有成1,800呎, 環境又夠殺食, 帶點田園feel, 感覺舒適, 仲有個小型舞台, 好似hotel咁grand添…又見價錢相宜~下午茶時段任選三小時, 每位$60無加一, 大小同價, 包8款小食及任飲飲品, 30人以上仲送雞絲炒麵, 最低消費$1500。7月尾一於親身上去視察環境兼落訂$500, 想像中的場地好大, 但驟眼看來卻沒有多大的空間感, 實在難以想像可容納80人之多。 心想我地大慨有3X人左右還可以吧 (當日齊人後, 才知真是有很大的地方走動) , 只是略嫌餐單內既小食花款不夠豐富, 所以臨開party前的一星期, 一家人便上去再傾細節及添加食物。 8款小食之中, 當然以香口的春卷、咖喱角及炸薯條最受大小朋友歡迎。 餡料剛好的吞拿魚治味道也不錯, 可能因為熱量勁及飽肚而濟銷, 其他小食則一般已矣。 雞絲炒麵有好多配料, 炒得都唔錯。 是日添加既食物是服務員order外賣來的, 整體味道屬中規中柜。 咖喱汁較淡既咖喱魚旦竟然成為小朋友的至愛。 估你唔到既係煙三文魚, 好食到成碟清哂。 大蝦沙律好醒胃。 沙嗲串燒啖啖肉好惹味, 尤以牛串更甚。 其他朳類亦以牛朳最得人心。服務員態度良好, 尤其是這次的負責人, 有求必應。 除了肯預早45分鐘時間給我們佈置場地外, 我地希望添加既甜品, 他亦會幫手親自整理, 還拿了些空盒錫紙等給我們打包食剩的食物呢! 猶記得其他食評家曾提及既不愉快經驗, 我地就特別查問負責人有關BB既收費, 答案是免費的, 當然埋單找數亦如是。 我地初時都擔心這兒的光線不夠光猛, 但細看天花板上的白光管後已放下心中疑慮, 加上負責人話日頭開party是不會感覺黒的, 果然無錯。是次party搞得好成功, 場地經佈置後, 明顯地更突出, 得到好多人的稱讚, 大家玩得很開心, 非常感恩呢!
继续阅读
果晚同fd包場,一上到去覺得氣氛幾好野食除左魚蛋怪怪地之外其他都唔錯野飲方面,檸檬水唔似檸檬水,橙水太淡店員態度幾好,我地o係度玩cream搞到成地都係都冇話我地果晚包場30人每一俾左130
继续阅读