音樂人家 (已結業)

第一次搞包场，上openrice揾到音乐人家，见评语一般，但又被包场吸引咗，所以就试一试呢次系同事聚会本来有41人，订位时好似neway咁要报人数，有加无减，咁就先订40人，最后系得39人到，所以要照俾40人钱，幸好Mable提我先问同事收钱，就唔怕走数，最后呢位唔嚟嘅朋友唯有钱到人唔到。先讲场地，同事们好high,可能系包场关系，全部自己人，就玩得放d，仲玩到唔愿走，可惜包场系有时限的，到十点半就要交场。有台又有歌唱，仲有个琴可以自弹自唱，好好feel。我哋自备咗d气球去布置，店主老公仲帮手一齐贴个backdrop，劲好人。食物方面，我哋自己买咗乳猪，店主都好配合，借个推车俾我哋，隆重地推只猪出嚟，好似去饮咁，之后店主老公仲帮忙剪猪，因为怕d油整到周围地方，所以只可以用剪。而包场食物方面，我哋拣$258套餐（人头收费）另加一盘腰果鸡丁$480，虽然食物未必话好grand，但味道可接受。套餐包括：瑶柱蛋白炒饭 芝士焗吞拿鱼意粉日式海鲜炒乌冬芝士焗西兰花 炒杂菜 黑椒无骨猪手卤水鸡翼炭烧猪颈肉 …… （本人觉得最好食）长脚蟹棒烟三文鱼日式小食 - 八爪鱼，螺肉，中华沙律鸡蛋杂果沙律啫哩糖