古琴雅苑 (太子集團中心)

营业中

休息中

出开尖沙咀想食北京填鸭，第一时间就谂起古琴雅苑，之前喺湾仔食过已经验觉得好出色，今次决定再食一次。鸡丝粉皮粉皮薄得嚟好滑，加上鸡丝同青瓜，非常开胃。烤北京填鸭(半只)烤鸭当然系餐厅既主角，门口有透明玻璃直接望到师傅炮制烤鸭，鸭肉比例较多，味道浓郁软淋，而配菜都好讲究，除咗平时常见嘅京葱同烤鸭酱，仲有蜜瓜同哈密瓜伴除解腻，唔够仲可以叫店员Refill。南翔小笼包小笼包亦系必点，热辣辣香喷喷，包得好实净唔易穿，汤汁超多，一口一只好满足。上海粗炒炒得刚好，唔会好油腻，大碟抵食。奶油津白金华火腿咸香，加上津白好夹。甜品叫左高力豆沙香蕉，即叫即炸，外脆内软，味道亦唔会好甜，非常满足。