影片
更多
2024-12-21
170 浏览
朋友好钟意食铁板烧，佢话听人讲呢一间铁板烧都几唔错，价钱都算系经济实惠，于是大家就试一试，而整体菜式都令人满意，摆盘完全唔敷衍，而某啲菜式嘅酱汁都令到我觉得几回味。‣ 商务铁板一人前 $788· 先付沙律菜配酸醋汁，都确实系开胃嘅好帮手。· 菊志の茶碗蒸茶碗蒸入边摆咗一啲松叶蟹肉，蒸蛋本身都相当滑溜，鲜味十足。· 高知炙烤鲣鱼鲣鱼嘅处理我都好满意，豆乳酱作伴再加上黑蒜油醋，肉质相当之细嫩幼滑，放入口嘅时候极之满足，而豆乳酱都令到个口感更加丰厚。· 幸の海洋二品帆立贝嘅配汁别出心裁，绿色嘅系枝豆汁；另一边就系白贝柱汁，而帆立贝煎得啱啱好，生熟度控制得好好，食得出帆立贝本身嘅鲜味。而另一道菜就系清酒煮蚬，啲蚬相当新鲜，而且带有浓郁嘅海鲜风味，每一只啲肉质都相当饱满，仲充满住牛油香味，令人相当之赞叹。· 虎虾虎虾旁边嘅系法式龙虾汁，如果想食到虾本身嘅鲜甜味，就咁食就可以。法式龙虾汁味道相当之浓郁，钟意比较重口味嘅话，绝对推荐搭配法式龙虾汁一齐食，啖啖肉之余仲有龙虾嘅香味爆出嚟。· 铁板香煎鹅肝鹅肝咬落去相当之嫩滑香口，但系我自己几钟意佢系搭配焦糖苹果，鹅肝搭配酸甜嘅嘢绝对系冇得输，而鹅肝嘅份
‣ 商务铁板一人前 $788
· 先付
沙律菜配酸醋汁，都确实系开胃嘅好帮手。
· 菊志の茶碗蒸
茶碗蒸入边摆咗一啲松叶蟹肉，蒸蛋本身都相当滑溜，鲜味十足。
· 高知炙烤鲣鱼
鲣鱼嘅处理我都好满意，豆乳酱作伴再加上黑蒜油醋，肉质相当之细嫩幼滑，放入口嘅时候极之满足，而豆乳酱都令到个口感更加丰厚。
· 幸の海洋二品
帆立贝嘅配汁别出心裁，绿色嘅系枝豆汁；另一边就系白贝柱汁，而帆立贝煎得啱啱好，生熟度控制得好好，食得出帆立贝本身嘅鲜味。而另一道菜就系清酒煮蚬，啲蚬相当新鲜，而且带有浓郁嘅海鲜风味，每一只啲肉质都相当饱满，仲充满住牛油香味，令人相当之赞叹。
· 虎虾
虎虾旁边嘅系法式龙虾汁，如果想食到虾本身嘅鲜甜味，就咁食就可以。法式龙虾汁味道相当之浓郁，钟意比较重口味嘅话，绝对推荐搭配法式龙虾汁一齐食，啖啖肉之余仲有龙虾嘅香味爆出嚟。
· 铁板香煎鹅肝
鹅肝咬落去相当之嫩滑香口，但系我自己几钟意佢系搭配焦糖苹果，鹅肝搭配酸甜嘅嘢绝对系冇得输，而鹅肝嘅份量绝对唔细，咬落去嘅时候真系满满嘅幸福感。
· 和牛薄烧 ＆ 京の野菜
师傅问我哋要几成熟，咁我就答佢五成熟，睇住师傅手势烧得啱啱好。旁边嘅系茄子慕丝，大啡菇以及翠玉瓜。而和牛肉片包裹住香蒜同埋葱，所以咬落去嘅时候口感十足，嫩滑脆口不停交缠，加埋牛肉本身嘅香，铁板烧就食呢啲。
· 菊志炒饭
炒饭本身就有一啲樱花虾干增添碗饭嘅口感，而且上面仲有少少黑松露，令到个炒饭更加香。每粒饭都炒得粒粒分明，就算食到呢到觉得有啲饱饱地，都系会忍唔住清晒成兜饭。而旁边都仲有渍物荞头，酸酸地易入口。
· 汤品
食到差唔多面豉汤就送到上嚟，暖胃之余都为呢一餐做一个收尾。
· 甜品
甜品系豆腐雪葩，我自己就好钟意呢个甜品，觉得系令到个口腔清新咗之余，带住豆香嘅余韵离开真系好满足。
张贴
