金樂軒雞煲魚鍋

营业中

休息中

朋友话呢间嘅小菜够晒地道，而且价钱亲民，所以收工过嚟试吓，见到餐厅入边都系一班班朋友嘅聚会，适合大伙儿聚会。酸菜鲜鱼锅店员话汤底系用鱼汤熬成，而鱼片系用上鲈鱼，鱼片份量好多，而且每一块都好滑，只有少量鱼骨，可以选择辣到，我嗌咗小辣都唔会觉得太辣，味道恰到好处。黄金虾球虾球爽口弹牙，每一只都被咸蛋黄包裹住，炒得够晒干身，一碟大约有八只虾球，超级推介！炝炒包心菜包心菜即系椰菜，炒得好惹味，有少少辣，平时钟意食回锅肉入边嘅椰菜嘅话就啱晒！凉拌海蜇餐厅用上海蜇头，主要用麻油凉拌，海蜇非常爽脆，而且份量都唔少，小菜嚟讲非常抵食。竹蔗茅根因为朋友揸车所以冇嗌到啤酒，估唔到呢度有自家制嘅竹蔗茅根，仲有得拣大或者细size，两个人饮嘅话细size已经好足够，大约每人饮到两杯多啲，非常清凉，而且唔会太甜。