三代目 (港運城)

营业中

休息中

放工约咗丫姨去北角shopping, 撞正落雨, 于是系港运城避雨, 发现原来呢度新开咗间拉面店, 见肚饿又系dinner time, 就入去试试。餐厅装修几有日本时尚居酒屋feel, 设多张卡位, 坐得舒服。呢度仲供应清酒放题, 拣自己中意嘅靓杯, 限时内品尝多款唔同品牌嘅清酒。食物方面都以日本料理为主, 【海之天妇罗】HK$118虾、鲷鱼、黑松露带子、墨鱼、紫苏叶所有炸物表面不油, 不过只有紫苏叶炸皮为脆, 其他炸皮都系林, 虾口感唔多爽, 冇咩鲜味; 墨鱼都几爽, 最好食嘅系黑松露带子, 带子呈半刺身, 相夹了黑松露, 食到带子鲜甜同埋好重嘅松露味。【灸牛拉面 (黑胡椒烧)】HK$92汤底标榜每日以新鲜豚骨熬煮, 绝无添加, 浓而不腻; 灸牛嘅黑胡椒好重, 几惹味; 拉面口感跟公仔面差不多。【三色烧肉丼】HK$108一次过食到烟熏鸡、五花肉、牛舌, 烟熏鸡肉质唔鞋, 但五花肉唔会太肥, 但比较鞋; 牛舌最为讨好, 爽口又keep到原本肉汁。 【一口寿司饭-鲜.海胆】HK$68紫菜呈V形, 放著寿司饭跟大大粒海胆, 侍应指寿司已被师傅加入豉油调味, 唔需要额外点酱, 直接食用即可。