福元湯圓

营业中

休息中

每次嚟福元我都一定会叫冻木瓜雪耳加汤圆🍡佢地既冻木瓜雪耳加左啱啱碌起左既汤圆之后 其实就系室温 唔系冰冻🥶所以怕食生冷野又惊夏天食热野既朋友可以试下哩个配搭😚 木瓜雪耳感觉系炖左好耐咁 啲汤水好浓稠 有啲似饮梗樽装燕窝𠮶种感觉 木耳煲到淋哂 木瓜又系入口即溶既感觉 好好味 好滋润😙😙😙 仲有啲南北杏咬下 增添口感！汤圆就一如既往咁正😛一咬开啲馅就倾「圆」而出 㩒都㩒唔住呀真系！🍡 汤圆外皮烟韧有糯米香 内馅既黑芝麻香到不得了 系有炒过既味道 亦有黑芝麻本身迷人既香气！一个字！绝呀！另外朋友叫既椰汁西米露就系正常水准 有汤圆做配料 食咩都零舍好食！-仲额外叫多左个鸳鸯汤圆，可以试多啲味！就系黑芝麻并花生🥜，于我而言，花生汤圆系稍逊于黑芝麻汤圆，偏甜，有花生粒，但做唔到好似黑芝麻咁香🤪🤪不过都系好食既！-嚟到咁繁忙既小店，都唔奢望有好好既服务态度啦😆 但希望店主系环境卫生方面，可能都系要多加留意一啲！