影片
更多
2024-12-16
340 浏览
见到好多人推介呢间铁板烧，所以早几日去咗试吓，顺便同大家分享🤩-🍱商务铁板一人前 ($788)🥗先付及饮品前菜系开胃新鲜嘅沙律，而饮品系佢哋自家制作嘅玄米茶，店员同我哋讲话佢哋嘅玄米茶系由自己炒制嘅糙米加绿茶制成，茶香同米香好平衡，味道温润，几值得一试😋-🍥菊志之茶碗蒸喺茶碗蒸上面加咗鲜百合同海苔，味道更加鲜美，口感亦都更加丰富😍🐟高知炙烤鲣鱼炙烤鲣鱼独有嘅烟熏香气，鱼肉嘅口感入口即化，配上basil oil味道好特别，食落好开胃☺️🌊幸之海洋 二品餐厅会选用时令嘅海鲜，今次我哋试嘅系帆立贝，配上青豆酱食落去味道更厚更浓郁😙另外一道时令海鲜系日式清酒煮蚬，蚬肉全部都大大只而且好新鲜，食落去好鲜甜，而且完全冇沙🥳🦐虎虾铁板虎虾口感好爽口同弹牙，配上浓郁嘅法式龙虾汁食落去鲜味更加升华🤤🪿铁板香煎鹅肝呢度菜食落好有惊喜，鹅肝食落去完全唔show，而且熟度啱啱好，切开见到系完美嘅粉红色，配上佢哋嘅焦糖苹果更加中和咗油腻嘅感觉，小编平时唔算特别钟意食鹅肝，但系𠮶日都食得干干净净🙈🥩和牛薄烧 牛肉嘅油花好靓，分布均匀，另外伴碟都好丰富，配上茄子慕丝，增添咗清爽嘅感觉，另外亦都有铁板煎南瓜同翠玉瓜，食
-
🍱商务铁板一人前 ($788)
🥗先付及饮品
前菜系开胃新鲜嘅沙律，而饮品系佢哋自家制作嘅玄米茶，店员同我哋讲话佢哋嘅玄米茶系由自己炒制嘅糙米加绿茶制成，茶香同米香好平衡，味道温润，几值得一试😋
-
🍥菊志之茶碗蒸
喺茶碗蒸上面加咗鲜百合同海苔，味道更加鲜美，口感亦都更加丰富😍
🐟高知炙烤鲣鱼
炙烤鲣鱼独有嘅烟熏香气，鱼肉嘅口感入口即化，配上basil oil味道好特别，食落好开胃☺️
🌊幸之海洋 二品
餐厅会选用时令嘅海鲜，今次我哋试嘅系帆立贝，配上青豆酱食落去味道更厚更浓郁😙
另外一道时令海鲜系日式清酒煮蚬，蚬肉全部都大大只而且好新鲜，食落去好鲜甜，而且完全冇沙🥳
🦐虎虾
铁板虎虾口感好爽口同弹牙，配上浓郁嘅法式龙虾汁食落去鲜味更加升华🤤
🪿铁板香煎鹅肝
呢度菜食落好有惊喜，鹅肝食落去完全唔show，而且熟度啱啱好，切开见到系完美嘅粉红色，配上佢哋嘅焦糖苹果更加中和咗油腻嘅感觉，小编平时唔算特别钟意食鹅肝，但系𠮶日都食得干干净净🙈
🥩和牛薄烧
牛肉嘅油花好靓，分布均匀，另外伴碟都好丰富，配上茄子慕丝，增添咗清爽嘅感觉，另外亦都有铁板煎南瓜同翠玉瓜，食落去香甜开胃，作为主菜几出色🥸
🌿炒饭及汤品
铁板炒饭嘅味道亦都唔错，食材新鲜，香气十足，炒饭粒粒分明，而且饭粒饱满🫶🏻
不过如果汤品可以再精致啲就更好啦，用味噌汤感觉略为失色👀
🍨甜品
是日甜品系黑芝麻雪糕，上面仲加咗啲果仁作为点缀，雪糕嘅口感绵密，甜度适中，作为晚餐嘅结尾几唔错🫶🏻
餐厅座位唔多，但系用料上乘，味道亦都唔错，而且以晚市铁板烧嘅价钱嚟讲性价比真系几高，另外服务都好好，如果想试吓日式铁板烧嘅话不妨一试😙
张贴
