究極堂 (蜆殼街)

营业中

休息中

原来北角有间咁高质嘅日式料理「究极堂」，身为北角人嘅我居然唔知道，好彩今日同事带我黎，如果唔系真系走宝😆望望个餐牌，除咗有丼饭、刺身、寿司、炸物，仲有pizza添，啲sake🍶仲好抵饮，我地嗌咗支720ml嘅菊水，实行饮饱食醉嘅一晚✌🏻海胆左口鱼边虾卷经炙烧过嘅左口鱼充满油香加上鲜甜嘅海胆同脆卜卜嘅炸虾，口感层次丰富，上面嘅芝麻令香味更加突出浓汤蕃茄咖哩牛肉乌冬牛肉份量劲多，浓郁嘅蕃茄咖喱汤底配上滑溜嘅乌冬，又香又浓，我地都争住食😂究极海鲜杯一杯入面有齐吞拿鱼蓉、海胆、蟹籽、飞鱼子、蟹肉、蜜柑啫喱，味道鲜甜，底下嘅啫喱酸酸地加上蜜柑，多重味道，配搭得宜炸芝士条送酒一流嘅小食，芝士条外面香脆，里面嘅香浓芝士仲可以拉丝添究极炎之丼店员推介真系冇介绍错😆丼饭入面有炙烧赤海虾、左口鱼、带子、三文鱼蓉、蟹膏，火炙令海鲜嘅鲜味更加突出，食完个饭真系超满足😍韩式泡菜章鱼玉子烧玉子烧系我嘅最爱，见到menu有个较为特别嘅泡菜章鱼玉子烧，梗系嗌呢个试吓啦，章鱼Q弹爽口，玉子烧滑捋捋，一啖咬落去仲食到酸爽嘅泡菜，多重口感，正👍🏻啤酒薯条配蜜糖芥茉酱炸鸡软骨配海胆酱食咗咁多野我地仲未够喉，最后仲嗌多两个小食