十三少 (已結業)

入秋天气转凉，今晚去食辣辣川菜，地点拣左坚尼地城既十三少。之前黎过发觉都唔错。小食系炸黄豆，脆卜卜，好香口。椒麻皮蛋椒麻皮蛋摆盘不俗。皮蛋靓靓铺系外围，中间就放好辣椒蓉同蒜泥，个汁加左醋，酸辣度调得开胃，一啲都唔麻。透明蛋白超弹牙，个蛋黄溶溶地，好味道。十三少酸菜鱼招牌十三少酸菜鱼当然一定要食。上菜时，服务员话酸菜鱼嘅汤底系用鱼汤整，建议我地可以先饮一啖鱼汤试试味。今次叫咗唔辣，点知原来好好味，可以更加饮到个汤既鲜鱼味。个鱼汤唔油，好清。大大碟酸菜鱼有好多连皮鱼片，鱼片食落非常嫩滑，而且鱼味够鲜，加上又冇骨，好方便。酸菜鱼当然仲有主角酸菜，其他配菜都好丰富，蔬菜量足，包括菇片，莴苣片，同白萝卜片，蔬菜吸左个汤味道好好。调味料方面就有大量白芝麻粒同姜丝，食到好香既白芝麻味道。加上菊花瓣点缀，卖相更加吸引。十三少蒜香荷叶蟹饭秋天来了，当然要食蟹。呢个十三少蒜香荷叶蟹饭要等30分钟。荷叶蟹饭热辣辣上枱，一大片荷叶上面有好多好湿润既饭，上面加满蒜蓉同葱花，食落个饭非常浓蒜香。饭面铺咗两只蟹，蟹肉好淋好淋，蟹钳都多肉。饭量真系多到食唔哂。餐厅装修古色古香，今日坐系入面卡位，分外舒适。