十三少 (已結業)

今日难得出黎食午餐，去左坚尼地城既十三少，食返个川菜。个门口装修好中式，离远都望到。一坐低服务员就先上两碟凉菜，分别系凉拌土豆丝同蒜泥青瓜。两碟都好爽脆，味道少少酸辣，唔会太油。第一次黎，就试试个滋味2人套餐，$338另加一。包凉菜3选1，主菜2选1，小菜3选1同白饭两碗。椒麻皮蛋凉菜3选1。我哋拣左椒麻皮蛋。皮蛋两只，切开之后摆好喺只碟，中间就系辣椒蓉同蒜泥，个汁加左醋。透明蛋白超弹牙，个蛋黄又滑又香，而个汁少少酸辣，一啲都唔麻，好开胃。十三少酸菜鱼主菜2选1，可选十三少酸菜鱼或者水煮鱼，我哋拣左十三少酸菜鱼。只碟真系超大碟！酸菜鱼嘅汤底系用鱼汤整，服务员建议可以饮一啖先。连皮鱼片有好多，非常滑又有鲜鱼味兼冇骨。酸菜真系好咸酸，需要咬吓。其他配菜包括莴苣片，菇片，同白萝卜片，吸左个汤都几好食。再加上姜丝，大量白芝麻粒，辣椒，花椒，味道调得唔错，唔会太辣或过麻，不过都边食边出汗。川式口水鸡小菜3选1，除左餐牌上面𠮶两款，仲可以拣川式口水鸡。口水鸡一客10件左右，有鸡脾又有鸡胸，肉质唔错，鸡皮有弹性。用左大量辣油再洒上大量白芝麻粒同少少葱花。味道当然系又麻又辣。仲伴有少少青瓜。白饭包白饭