影片
更多
2010-07-31
87 浏览
跟老公都是七月生日, 十位麻雀腳+兩個壽星一行十二人, 相約今天一齊先雀局後慶祝, 之前吃過一次九龍灣河鮮, 覺得不錯, 不過就有點貴, 今次在沒有更好的選擇下, 最後還是去了河鮮當天才訂位, 還可以訂到7:30, 電話上說可能黎到都要等位, 始終因為是星期六, 還好去到不用等已經可以直入, 好好彩呢坐底先發現原來肇順名匯同百樂門是同一集團來的, 百樂門之前吃過不錯, 希望呢度都唔差啦雖然我不是第一次食, 但因為上次不是我叫餸, 所以都唔知邊d好食, 最後見到個12人餐$1888加一茶芥酸菜全包, 仲有兩枝啤酒添, 在沒反對既情況下就決定了當等齊人之後, 就叫佢可以上菜, 唔駛等好耐已經有餸進出黎啦黃金魚肚羮: 其實即係粟米魚肚羮, 雖然唔係咩貴價野, 但又幾好味喎, 比我地想像中好, 唔太杰又唔太稀, 粟米同魚肚爽口又多又算幾新鮮, 唔駛加胡椒粉都好夠味水蜜桃海皇卷: 上菜速度好快, 都未食完個羮, 海鮮卷已經黎左, 同一般海鮮卷一樣, 裡面其實只係蟹柳同水蜜桃, 不過我鍾意食沙律醬, 所以我覺得呢個好好味~上湯大明蝦球 (伊麵底): 呢碟好大碟呀~ 有超過廿隻蝦呀, 我估d蝦應該都
當天才訂位, 還可以訂到7:30, 電話上說可能黎到都要等位, 始終因為是星期六, 還好去到不用等已經可以直入, 好好彩呢
坐底先發現原來肇順名匯同百樂門是同一集團來的, 百樂門之前吃過不錯, 希望呢度都唔差啦
雖然我不是第一次食, 但因為上次不是我叫餸, 所以都唔知邊d好食, 最後見到個12人餐$1888加一茶芥酸菜全包, 仲有兩枝啤酒添, 在沒反對既情況下就決定了
當等齊人之後, 就叫佢可以上菜, 唔駛等好耐已經有餸進出黎啦
黃金魚肚羮: 其實即係粟米魚肚羮, 雖然唔係咩貴價野, 但又幾好味喎, 比我地想像中好, 唔太杰又唔太稀, 粟米同魚肚爽口又多又算幾新鮮, 唔駛加胡椒粉都好夠味
水蜜桃海皇卷: 上菜速度好快, 都未食完個羮, 海鮮卷已經黎左, 同一般海鮮卷一樣, 裡面其實只係蟹柳同水蜜桃, 不過我鍾意食沙律醬, 所以我覺得呢個好好味~
上湯大明蝦球 (伊麵底): 呢碟好大碟呀~ 有超過廿隻蝦呀, 我估d蝦應該都係河蝦, 始終叫河鮮嘛, 同埋因為爽口程度同海蝦係不同的, 不過河蝦咁大隻真係少見又少食, d蝦新鮮又爽口, 個上湯同伊麵都好好味, 食得多芝士龍蝦都厭啦, 呢個係全晚最出色之一呢~
夏日火艷陽 (火龍果爆鴕柳粒): 唔睇餐牌, 望落仲以為係牛肉添~ 點知原來係鴕鳥肉黎, 鴕鳥肉好腍, 都似平時打邊爐既鴕鳥肉味道, 配菜有火龍果、西芹、瓜、青椒黃椒等, 清清地配合番都唔錯, 個樣又靚d, 但個火龍果個樣就驚嚇d, 拎走佢應該會仲好~ 同埋食到最後隻碟好多油~
薑蔥煎焗魽魚: 呢個就差d囉, d魚好多骨, 雖然爆得幾香, d蔥又入味, 但我黎食河鮮嘛, 魚無四兩肉咁唔得囉, 而且個鍋好快就唔熱, 如果蔥爆唔熱唔好食嘛, 所以呢個嘛嘛地~
芹香爆煎魽魚球: 又係魽魚, 食次真係食到有d肉, 配菜都係西芹青紅黃椒, 炒得幾好味呀~ 魽魚球應該先爆左再炒, 夠味好多, 配菜都好好味, 老公食左好多都係配菜, 哈哈, 但食到最後個底好油呀, 尤其係凍左更加明顯, 兩味魽魚都係咁, 睇黎呢度d油唔駛錢呢, 哈哈
五穀豐收: 食食下, 黎左碟好似焗魚腸又似煎蠔餅既野, 當大家都唔知係咩黎既時間, 終於有勇士發現係飯, 原來係糯米飯黎架, 蛋、魚、花生同糯米一齊整, 真係幾新穎, 不過味道嘛... 只是一般啦, 好似無乜味咁, 係個好清既糯米飯, 我都係鐘意臘味糯米飯呢d好味d
生魚片浸菜苗: 呢個有少少皇帝菜同白菜仔, 我唔係咁受得皇帝菜, 但其他人都話好味, 我就只食白菜仔, 個魚湯都幾夠魚味, d魚片係鯇魚片, 都唔錯, 仲有小小貓耳云耳, 之前果d都咁油, 所以呢個食起上黎好好味呀
肇順招牌燒雞: 個餐仲有成隻雞, 其實食到呢度個個都好飽啦, 因為碟碟份量都唔細架, 但個雞有人一食話好味, 之後就個個都食啦, 哈哈, 又真係幾好味既, 雞夠味皮又脆, 最重要係雞皮同雞肉中間唔肥, 點埋個汁真係唔錯, 唔怪得叫招牌燒雞啦
大團圓馬拉糕: 奇怪在個馬拉糕係我地未食雞前已經黎左一次, 我地即刻叫佢拎番等叫起, 無理由餸都未食完就上糕架嘛, 呢點酒樓真係要留意下, 各位食客都要留意下啦
呢個之前係百樂門食過, 今次同百樂門都一樣水準呢, 馬拉糕杏仁味好香, 真係似似地細個食果d馬拉糕味呀, 成個蒸籠上真係壯觀, 成班朋友一齊生日食真係團團圓圓呢, 好襯個場合!
其實呢個12人餐份量一d都唔少, 我地都食唔晒, 如果唔大食既, 大可以叫半席再加餸, 咁應該會好d呢~ 我地仲帶左個美心天使蛋糕黎, 酒樓無加我地錢, 真好~
呢餐好多魽魚, 之後走有睇過魽魚幾錢兩, 好似係$8咁上下, 所以唔算係咩貴魚, 都貴過鯇魚既 (好似$4), 套餐係咁上下啦, 所以如果想食好少少既, 我諗唔好叫餐囉, 不過咁既價錢食餐, 其實都唔差既
我地坐果張檯, 係最後排果張, 因為後面係燈箱, 冷氣又唔夠, 所以好熱, 希望呢點可以改善下啦
多謝各位雀友既慶祝, 希望大家好似個馬拉糕咁, 團團圓圓!
张贴
