肇順名匯河鮮專門店 (已結業)

招牌天麻鱼頭湯: 淡得像水！堂弄銅盤焗雞: 雞小而且底勁“火農”，於是要求換！但部長說：“這菜是“火農”的”，我們吹賬了！於是我們取消這菜叫另一個菜，等了二十分鐘不來又追，另一侍應說：“以為來了，不是嗎？！還以為你食了添! ”又吹賬多次，再等了十分鐘都不來，令我媽子要用熱水撈飯食, 於是我們埋單+開火了！我們要求解释，部長很精警說：“解释等於掩飾”，正！連掩飾的說話都懶得講! 真係好想講XYZ。。。>_< 雖然物價高漲，但用這個價錢都不用差咁遠吧！:S結果四人食了兩菜一湯四飯, 用了$576蚊, 但回家仲要煮個公仔麵! >.<

因有小朋友, 問個黑衫部長魽魚有乜整法, 佢照指住菜牌兩副相話得呢兩種整法, 分別炒同焗, 但差唔多一樣. 咁問佢有無其仔魚無乜骨, 佢話桂花, 正確的, 仲有無其他, 佢話魚緊有骨架啦. 吹到啤啤聲. 咁算啦, 叫住其他餸食住先啦. 叫左一個啫啫蝦醬芥蘭煲, 黑色鑊仔, 應該啫啫聲好熱, 點知無聲, 無煙, 無蝦醬味, 暖的. 立即問經理攞碟蝦醬, 經理都醒目, 立即攞入廚房做過先ok. 當經理攞碟新芥蘭出嚟時想加單要碟黃骨魚, 點知無貨, 唔緊要, 咁佢介紹左冧哥魚, 豉汁蒸, 半條, 好呀咪試吓. 7點44分入單, 8點34分都未到, 足足50分鐘. 唔等喇, 成拾人標晒火, 我即該埋單走人. 衫都著埋, 條魚先到, 咁當然焗我地食埋先啦. 魚肉滑, 無味, $20兩, 半條約$198, 食完背脊骨落. 送流沙包, 食唔落, 彈走. 出到門口見佢九龍灣舖攞米芝蓮推介, 米芝蓮都係信唔過.

今天2011年1月23日星期日下午茶時段.....魚肚棉花雞原本應該有蟹柳、芋頭、東菇、魚肚及雞.....今日冇蟹柳、芋頭，俾豆腐卜你食....D魚肚酸到苦.....不知所謂....叫佢退回去.....佢又話冇得退......下午茶俾小食你食...$6一碟....以為自己食緊晚飯添....D小食又林左.....仲要收錢...好似搶錢咁....埋單又一小風波.....問佢地攞泊車優惠.....佢地話冇喎....只係俾番你自己張單你....佢地話唔得架喎....但我尋日去....又俾喎.....(究竟呢D係咩管理呢)佢仲話隔離間酒樓都唔俾喎.....咁我咪行過隔離間酒樓...問佢地攞張泊車優惠啦...佢都冇理你係咪O係佢度飲茶...就俾左兩張泊車優惠過我啦.....我行番過去肇順質問佢......佢O晒咀...呢D咩服務態度呀...特登駕車去飲茶.....結果一肚氣.....仲話適合駕駛人士去食飯......嘥氣啦.....攬住D泊車優惠有錢收番咩......想我再幫襯......除非換左個收銀同經理啦......

2010年5月15日 荃灣 ( 肇順名匯河鮮專門店 - 3 )荃灣區飲茶，平價點心之選，今天再來下午茶。雪山焗叉燒包，面皮香脆，叉燒亦好味。肇順蝦餃皇，皮靚蝦爽，跟上次水準一樣。咸水角，唔太脆，但味道都可以。魚肚棉花雞，有蟹柳、芋頭、東菇、魚肚及雞，好味。黃沙豬肝燒賣，豬膶麻麻地，燒賣普普通通。七彩炒米粉，有紅蘿蔔絲，椰菜絲，看不到有七彩咁多，味道亦未見特別好味。鹹魚蒸肉餅飯，瓦撐原煲蒸出，飯粒分明，鹹魚惹味，肉餅香滑。今天人比較多，嘈雜了一點，侍應叫了幾次才加水，點心仍然是ok的。

前陣子來荃灣廣場都是光顧金滬上海飯店，特別喜愛它那道把肉粒塞進燒餅裡面的菜式。不過又不是每一次到臨也會很多人，就算是週末的晚飯時間也曾經見過只有四至五桌有客人。這也難怪，位置偏僻又剛好在一間連鎖酒樓旁邊，沒有試過的情況下當然是連鎖酒樓的受歡迎度較大，可能這也是它結業的原因。說回肇順，由於之前沒有光顧過它其他的分店，所以還是預先訂位比較安全。到達的時候已經有不少人在門外等侯，幸好我們做足準備，很快便能入座了。今次進去的時候明顯比金滬熱鬧很多，而且位置亦排得比金滬密很多，看來這間也相當受歡迎。由於我們的胃納不是很大，所以盡管經理努力推介，我們都一一推辭那些份量比較大的菜式。這裡大部份都選用籐籃來盛食物，而且更會用一些隔油紙墊底，比較多油的菜式隔油紙真的會比較恐怖。首先送上的是蜜桃海鮮卷($78)，炸至金黃色外層整齊放在藤籃的入面。由於此菜式為炸物，所以放在最底的隔油紙實在十分恐怖，不過美食總是減肥人士的敵人，我們還是選擇向美食低頭。外層炸至香脆，配上附上的沙律醬，再配合海鮮卷內裡的沙律醬，兩者雙劍合壁可以令一些沙律醬迷愛上了它。裡面除了沙律醬外，還有小蝦兩三隻，再配上蜜桃，確實有消暑的功效

跟老公都是七月生日, 十位麻雀腳+兩個壽星一行十二人, 相約今天一齊先雀局後慶祝, 之前吃過一次九龍灣河鮮, 覺得不錯, 不過就有點貴, 今次在沒有更好的選擇下, 最後還是去了河鮮當天才訂位, 還可以訂到7:30, 電話上說可能黎到都要等位, 始終因為是星期六, 還好去到不用等已經可以直入, 好好彩呢坐底先發現原來肇順名匯同百樂門是同一集團來的, 百樂門之前吃過不錯, 希望呢度都唔差啦雖然我不是第一次食, 但因為上次不是我叫餸, 所以都唔知邊d好食, 最後見到個12人餐$1888加一茶芥酸菜全包, 仲有兩枝啤酒添, 在沒反對既情況下就決定了當等齊人之後, 就叫佢可以上菜, 唔駛等好耐已經有餸進出黎啦黃金魚肚羮: 其實即係粟米魚肚羮, 雖然唔係咩貴價野, 但又幾好味喎, 比我地想像中好, 唔太杰又唔太稀, 粟米同魚肚爽口又多又算幾新鮮, 唔駛加胡椒粉都好夠味水蜜桃海皇卷: 上菜速度好快, 都未食完個羮, 海鮮卷已經黎左, 同一般海鮮卷一樣, 裡面其實只係蟹柳同水蜜桃, 不過我鍾意食沙律醬, 所以我覺得呢個好好味~上湯大明蝦球 (伊麵底): 呢碟好大碟呀~ 有超過廿隻蝦呀, 我估d蝦應該都

整體來說，不及屯門好味，吃咁多籠點心，唯獨係雪山叉燒包係最好的，環境幾好喎，可能早茶兼稻香在隔離的關係，坐好耐都唔爆，食得好滋陰，哈哈，埋單都係60幾元。

2010年3月20日 ( 5-1 ) 荃灣 ( 肇順名匯河鮮專門店 - 2 ) 早茶 日程：( 肇順名匯 - 公和荳品 - 泰潮 - 坤記糕品 - 美心皇宮 )街坊說肇順名匯的點心不錯及抵吃，早上，我倆來到這裡喝早茶。10時前早茶有特價，棗蓉蒸滑雞飯加灼生菜售 6 . 8元( 1a )棗蓉蒸滑雞飯：瓦撐端上，應是原煲蒸出，飯粒分明，雞件伴止紅棗碎粒，雞肉算嫩滑好味。( 1b )灼生菜：灼得不錯，夠爽嫩。( 2 )雪山焗叉燒包：($9.8元)面皮軟脆，叉燒美味。( 3 )馬蹄糕：($6.8元)馬蹄幾足，爽滑甜美。( 4 )肇順蝦餃皇：($3.8元)皮靚蝦爽。( 5 )潮州粉果：($11.8元)皮通透晶瑩，餡料惹味可口。( 6 )魚肚棉花雞：($11.8元)料靚味美，魚肚多過雞，還有芋頭、東菇及蟹柳，一個好字。今餐味道與質素幾好，價錢也便宜，服務ok啦。

今天一早去飲茶,看見(黃色)早市優惠紙上有$3.8 / 2粒的蝦餃皇,咁抵,正呀於是我們叫了三籠,皮薄多蝦肉,好味道.哈哈棗茸蒸滑雞飯配灼時蔬08:59時前$6.8 [ 以電腦入單為準 ]09:00時後$11.8孖寶套餐: 鮑魚滑雞粥配豉油王炒麵 / 鮮竹牛肉球 / 香滑白布腸$13.8另外有$3.8 / 3款,$6.8 / 3款,$9.8-$13.8有多款2月初開張時點心價錢貴些少現在平了些,點心味道都不錯,(星期六 / 日 / 假日)早市優惠點心要在09:59分前入單,[ 以電腦入單為準 ]才有特價早市優惠,茗茶每位$5這兒是定期轉換特價點心,若蝦餃皇是你的至愛,趁平就要吃多些啦,

近日找食肆要吃得健康, 坐得舒適一點, 近家門一點, 於是便往荃灣廣場裡找找, 老公提議去金滬, 於是便落樓去揘荃灣廣場, 搭電梯之際卻找不到金滬, 原來已轉了肇順...., 結果仍要等三兩張枱, 走了去別處, 等明天早一點再來!這天, 六時未到便到達, 還有卡位選擇! 老公想食邊魚, 好大條, 有成兩斤, $7/兩, 老公堅持清蒸, 於是二人嚐試吞併牠吧! 另叫了個梅菜蒸菜心, $68!清蒸邊魚, 魚腩肥得很, 魚身頗厚, 蒸得也恰到好處, 但魚骨頗多, 怕吃魚的就不要選牠了!梅菜菜心, 有些腍身, 有些卻略硬, 梅菜沒有什麼特別!白飯已吃不下, 連前菜, 茶錢, 二人約 $3xx, 不太貴, 下次再試食其他河魚!

2010年2月4日 ( 2 ) ( 肇順名匯河鮮專門店 ) 晚餐肇順名匯河鮮專門店，香港唯一順德河鮮專門店...榮獲( 米芝蓮 )星級推介，是百樂門飲食集團屬下機構，該集團已擁有7間百樂門宴會廳和6間肇順名匯河鮮專門店。從電台廣告，得悉( 肇順名匯河鮮專門店 )已進註在荃灣區，位處於荃灣廣場，並於2月1日開業，是該集團的第14間分店，又是第7間(肇順名匯河鮮專門店)；此舖位前身為( 金滬上海飯店 )，現已結業。今晚家裡不煮飯，我相約Maggie到這裡來晚飯，今晚我倆吃的如下。堂弄銅盤焗雞：( $98 元)端上來時，銅盤被錫紙緊蓋，侍應員拿刀界開錫紙，再用匙羹翻兩翻雞件，把雞肉和芡汁撈均勻，此時我們已看到雞肉較為生，雞骨部份比較紅，其實他也看到，即時說：「唔好意思，再整個碟比你哋。」並即時收回；隔一段時間，再送來另一盤雞，銅盤上也是緊蓋錫紙，侍應員跟先前做著同一動作，界錫紙，翻雞件，今次ok了；界開鍚紙之後，濃濃的蒸汽隨即冒出，我即時拍照，蒸汽使到照片也變得矇矓了，除雞件外，還看到有紅蔥頭及芝麻，吃到有黑椒及酒味，雞肉算是嫩滑，肥瘦恰當，雞味猶存，味道鮮美，吃到底部時，有些雞肉還粘著