影片
特色
适合驾驶人士
营业时间
星期一至日
07:00 - 23:30
以上资料只供参考，请与餐厅确认详情
招牌菜
招牌天麻鱼頭湯: 淡得像水！堂弄銅盤焗雞: 雞小而且底勁“火農”，於是要求換！但部長說：“這菜是“火農”的”，我們吹賬了！於是我們取消這菜叫另一個菜，等了二十分鐘不來又追，另一侍應說：“以為來了，不是嗎？！還以為你食了添! ”又吹賬多次，再等了十分鐘都不來，令我媽子要用熱水撈飯食, 於是我們埋單+開火了！我們要求解释，部長很精警說：“解释等於掩飾”，正！連掩飾的說話都懶得講! 真係好想講XYZ。。。>_< 雖然物價高漲，但用這個價錢都不用差咁遠吧！:S結果四人食了兩菜一湯四飯, 用了$576蚊, 但回家仲要煮個公仔麵! >.<
继续阅读
因有小朋友, 問個黑衫部長魽魚有乜整法, 佢照指住菜牌兩副相話得呢兩種整法, 分別炒同焗, 但差唔多一樣. 咁問佢有無其仔魚無乜骨, 佢話桂花, 正確的, 仲有無其他, 佢話魚緊有骨架啦. 吹到啤啤聲. 咁算啦, 叫住其他餸食住先啦. 叫左一個啫啫蝦醬芥蘭煲, 黑色鑊仔, 應該啫啫聲好熱, 點知無聲, 無煙, 無蝦醬味, 暖的. 立即問經理攞碟蝦醬, 經理都醒目, 立即攞入廚房做過先ok. 當經理攞碟新芥蘭出嚟時想加單要碟黃骨魚, 點知無貨, 唔緊要, 咁佢介紹左冧哥魚, 豉汁蒸, 半條, 好呀咪試吓. 7點44分入單, 8點34分都未到, 足足50分鐘. 唔等喇, 成拾人標晒火, 我即該埋單走人. 衫都著埋, 條魚先到, 咁當然焗我地食埋先啦. 魚肉滑, 無味, $20兩, 半條約$198, 食完背脊骨落. 送流沙包, 食唔落, 彈走. 出到門口見佢九龍灣舖攞米芝蓮推介, 米芝蓮都係信唔過.
继续阅读
今天2011年1月23日星期日下午茶時段.....魚肚棉花雞原本應該有蟹柳、芋頭、東菇、魚肚及雞.....今日冇蟹柳、芋頭，俾豆腐卜你食....D魚肚酸到苦.....不知所謂....叫佢退回去.....佢又話冇得退......下午茶俾小食你食...$6一碟....以為自己食緊晚飯添....D小食又林左.....仲要收錢...好似搶錢咁....埋單又一小風波.....問佢地攞泊車優惠.....佢地話冇喎....只係俾番你自己張單你....佢地話唔得架喎....但我尋日去....又俾喎.....(究竟呢D係咩管理呢)佢仲話隔離間酒樓都唔俾喎.....咁我咪行過隔離間酒樓...問佢地攞張泊車優惠啦...佢都冇理你係咪O係佢度飲茶...就俾左兩張泊車優惠過我啦.....我行番過去肇順質問佢......佢O晒咀...呢D咩服務態度呀...特登駕車去飲茶.....結果一肚氣.....仲話適合駕駛人士去食飯......嘥氣啦.....攬住D泊車優惠有錢收番咩......想我再幫襯......除非換左個收銀同經理啦......
继续阅读
2010年5月15日 荃灣 ( 肇順名匯河鮮專門店 - 3 )荃灣區飲茶，平價點心之選，今天再來下午茶。雪山焗叉燒包，面皮香脆，叉燒亦好味。肇順蝦餃皇，皮靚蝦爽，跟上次水準一樣。咸水角，唔太脆，但味道都可以。魚肚棉花雞，有蟹柳、芋頭、東菇、魚肚及雞，好味。黃沙豬肝燒賣，豬膶麻麻地，燒賣普普通通。七彩炒米粉，有紅蘿蔔絲，椰菜絲，看不到有七彩咁多，味道亦未見特別好味。鹹魚蒸肉餅飯，瓦撐原煲蒸出，飯粒分明，鹹魚惹味，肉餅香滑。今天人比較多，嘈雜了一點，侍應叫了幾次才加水，點心仍然是ok的。
继续阅读
前陣子來荃灣廣場都是光顧金滬上海飯店，特別喜愛它那道把肉粒塞進燒餅裡面的菜式。不過又不是每一次到臨也會很多人，就算是週末的晚飯時間也曾經見過只有四至五桌有客人。這也難怪，位置偏僻又剛好在一間連鎖酒樓旁邊，沒有試過的情況下當然是連鎖酒樓的受歡迎度較大，可能這也是它結業的原因。說回肇順，由於之前沒有光顧過它其他的分店，所以還是預先訂位比較安全。到達的時候已經有不少人在門外等侯，幸好我們做足準備，很快便能入座了。今次進去的時候明顯比金滬熱鬧很多，而且位置亦排得比金滬密很多，看來這間也相當受歡迎。由於我們的胃納不是很大，所以盡管經理努力推介，我們都一一推辭那些份量比較大的菜式。這裡大部份都選用籐籃來盛食物，而且更會用一些隔油紙墊底，比較多油的菜式隔油紙真的會比較恐怖。首先送上的是蜜桃海鮮卷($78)，炸至金黃色外層整齊放在藤籃的入面。由於此菜式為炸物，所以放在最底的隔油紙實在十分恐怖，不過美食總是減肥人士的敵人，我們還是選擇向美食低頭。外層炸至香脆，配上附上的沙律醬，再配合海鮮卷內裡的沙律醬，兩者雙劍合壁可以令一些沙律醬迷愛上了它。裡面除了沙律醬外，還有小蝦兩三隻，再配上蜜桃，確實有消暑的功效。接著的菜式都上得比較快，所以我們小小的圓桌很快就被填滿了。XO醬珊瑚帶子($98)是一碟以青綠為主的一樣菜式。雖然帶子和珊瑚蚌才是主菜，不過它們只佔少數，真正主導這碟菜是嫩綠的西芹。帶子只有四粒，我們五人也不能分得每人一粒，所以我們有些人只可以吃半粒，實在失望。珊瑚蚌的份量跟帶子差不多，不過當中有人對它沒有太大興趣，所以大家才不用吃半粒那麼悽厲。說回味道，帶子和珊瑚蚌的味道鮮甜，不過份量不算是甚麼珍寶，而且XO醬味又不是很濃。西芹煮得比較爽身，不過不太喜歡吃西芹的我吃了兩條就停手了。原本以為烹調時間最長的芝士焗大明蝦球伊麵($148)沒有在最遲才上菜，反而在大家還未太飽的情況下上菜，那大家就可以盡力清碟了。蝦球捲成兩個圈般，入口肉質鮮嫩，而且蝦肉彈牙，捲起之後入口更豐厚。芝士的份量亦頗多，我們拌勻之後幾乎每一條伊麵都能掛到芝士，所以伊麵入口盡是芝士香。如果芝士可以較為稀身，但又未至於水的程度，那就更為好，入口就不會太膩了。當大家的胃納都已經沒有太多的位置之下，當紅脆燒雞($88半隻,$168一隻)便上菜了。幸好我們早有預料大家的胃納都不大，所以我們只要了半隻。燒雞的外皮不太脆，而且雞皮比較肥，所以我還是放棄它。雞肉尚算嫩滑，不過雞肉之間有不少脂肪，令人不太開胃。拌碟的蝦片相信只是現成貨，所以沒有一試的理由。最後的菜比較遲來，所以大家都有時間先聊天一會。我們看到幾乎每一桌上都會有一窩菜，我們還在想是甚麼招牌的菜式令它那麼受歡迎，不過當我們的啫啫蝦醬唐生菜($68)送上的時候，所有疑惑都被解開了。原來我們所點的菜式名字已經告訴我們，啫啫二字意思會用沙鍋送上，並下豬油令到「啫啫」響聲入耳。開窩蓋的時候的確傳出一陣蝦醬味，不過好快就消散了。生菜比較嫩綠，不過生菜沒有撕成一片片，入口比較困難。蝦醬很入味，不過比較後期入口的生菜味道會比較淡，因為窩入面比較多水，會沖淡蝦醬的味。我們花了個多小時便完成，最後原本打算來碗雙皮奶，不過比較遲下單，所以已經售罄了。我們離開的時候門口已經沒有太多人，所以我們用餐的時候都沒有見到知客有趕客的表現。
继续阅读