甘味喫茶店

营业中

休息中

下午五点无咩人嘅时段，嗌左个梳乎厘、一杯宇治抹茶同一杯玫瑰柚子蜜梳打咁既野。饮品$48一杯，十分普通，同Neway啲fruit punch差唔多，宇治抹茶正正常常，不过有买一送一，当$24嗌左杯特饮。重点系个梳乎厘，餐牌下面细字remark要等20-25分钟。我地五点零八分入座，五点十分落单，个梳乎厘等左起码50分钟，中途催左两次。等左咁耐以为有咩咁把闭，黎到两旧野都系扁塌既，唔讲以为系pancake，一食落口仲要唔热既，只系有好微弱既余温，彷佛系整好左好耐，但系都要摊冻先拎出黎比你食咁。完全唔明点解下午无人既时段，全场只有三四台客，整个甜品可以等成粒钟，仲要系唔好食，黑人问号。总括而言真系十分普通，唔系坐得特别舒服，卖相亦无乜特别，认真想食野可以唔洗去，想打卡都可以揾过第二间食。