Alva House

营业中

休息中

因为有图片数量限制，所以只可以精选几款出嚟做个记录。一早预订咗自助餐同屋企人庆祝生日。如果以自助餐嚟讲𠮶场其实都唔算细，嘢食种类都系够食。冻盘海鲜嚟讲，一啲都唔吝啬，不停refill, d龙虾多膏。个带子吞拿鱼蓉建议早啲去食，因为夜咗21:00松啲就开始冇。啲生蚝唔算大只，都儿有海水味。烧牛肉唔算出色，但系个葡式乳猪就系我嘅至爱，唔太肥卜卜脆超钟意。另外黄牛粒同埋鹅肝都系随意攞，真系食得开心攞得尽兴。都系𠮶句平时真系好少食甜嘢，但系见到佢咁多款又唔系太大旧就样样试啲，都系正常酒店水平嘅蛋糕，可以留肚试吓。除咗自家制雪糕仲有Häagen-Dazs⋯⋯十分足本，食完个生冷嘢，系咁尾段嘅时候仲有海底椰炖汤饮，和一和个胃舒服晒。虽然而家食量冇以前咁惊人，但耐唔耐都希望尽兴吓，呢间又真系唔错嘅选择。事次用餐为自费！