影片
更多
2023-05-13
416 浏览
2023.5.11我从来都无写过食评，今日忍唔住要写一篇，系我人生第一篇写既食评😊我平时自己写日记用开书面语，今日要用口语写先得，希望大家睇既时候感觉亲切d，哈哈！今日系一个特别既日子，我的生日，老公问我午餐想食咩？我话：「入沙田去Fantasy丫，好挂住佢地个蘑菇汤！」1330左右去到餐厅，老板娘真是好好记性，我最近很忙碌，已几个月无去帮衬，佢都仲记得我，主动比杯暖水我，比杯热茶我老公。（之前还住在沙田时，我同老公差唔多每隔3-4星期左右会去帮衬一次，每次都会叫老板娘比杯暖水我，去了几次后，佢便记响心中了，接著每次去都认得我，会主动比杯暖水我☺️）呢个小小的举动已经令人感到好窝心💕老板娘很细心😊我哋点左黑松露带子意大利饭、烤美国牛肩扒、两个蘑菇汤、朱古力心太软伴雪糕。我老公好钟意食老板整既意大利饭，自从食过一次之后，老公接著差唔多次次黎亲都系食海胆意大利饭，今次试下转口味，试黑松露带子意大利饭，都好好味喔👍味道够哂浓郁😋 呢个饭的特点就系咬落去有D外软内韧的感觉，好Creamy😍今日一开始想黎，系因为挂住个蘑菇汤，讲下点解咁钟意饮佢哋既蘑菇汤先😌因为佢哋系用真蘑菇打磨出黎的，好香浓，好
我从来都无写过食评，今日忍唔住要写一篇，系我人生第一篇写既食评😊我平时自己写日记用开书面语，今日要用口语写先得，希望大家睇既时候感觉亲切d，哈哈！
今日系一个特别既日子，我的生日，老公问我午餐想食咩？
我话：「入沙田去Fantasy丫，好挂住佢地个蘑菇汤！」
1330左右去到餐厅，老板娘真是好好记性，我最近很忙碌，已几个月无去帮衬，佢都仲记得我，主动比杯暖水我，比杯热茶我老公。（之前还住在沙田时，我同老公差唔多每隔3-4星期左右会去帮衬一次，每次都会叫老板娘比杯暖水我，去了几次后，佢便记响心中了，接著每次去都认得我，会主动比杯暖水我☺️）呢个小小的举动已经令人感到好窝心💕老板娘很细心😊
我哋点左黑松露带子意大利饭、烤美国牛肩扒、两个蘑菇汤、朱古力心太软伴雪糕。
我老公好钟意食老板整既意大利饭，自从食过一次之后，老公接著差唔多次次黎亲都系食海胆意大利饭，今次试下转口味，试黑松露带子意大利饭，都好好味喔👍味道够哂浓郁😋 呢个饭的特点就系咬落去有D外软内韧的感觉，好Creamy😍
今日一开始想黎，系因为挂住个蘑菇汤，讲下点解咁钟意饮佢哋既蘑菇汤先😌因为佢哋系用真蘑菇打磨出黎的，好香浓，好好饮😛
而我哋今日响埋单后，见老板好悠闲咁行左出来同隔离枱的熟客仔倾计（其实我哋以前黎亲帮衬都好含蓄，无同老板倾过计），今次我忍唔住问下老板个蘑菇汤系点整既？因为之前我叫老公钻研下点整蘑菇汤，好想响屋企都有得饮好味既蘑菇汤😊老公上网睇食谱后，整左一款蘑菇汤比我饮，主要系落蘑菇、洋葱🧅薯仔🥔去整，都好饮既，但系如果要比分老公整既蘑菇汤，就得80分；而Fantasy 既蘑菇汤系有95分！😍其实我内心系想比100分！😛扣左个5分系比佢哋有进步嘅空间，哈哈😬
言归正传，我想讲我超感动💕估唔到我简单问一个问题，老板竟然倾囊相授，佢好用心咁教我老公点样整蘑菇汤先好味！我依家仲期待紧，有一日可以响屋企饮倒老公整既近似Fantasy既蘑菇汤，哈哈😆
未讲烤美国牛肩扒，牛肩扒肉质爽口有少少弹牙，好味😋，仲有佢既紫薯蓉都好有心思去整，又甜又健康🥰伴菜仲有红萝卜、菜芯等等，菜都摆得靓靓，真系赏心悦目😍
最后系甜品～朱古力心太软，焗到个蛋糕外面脆脆地，入面软心流心，真系好正😊
我叫老公请教埋老板点样整，因为之前老公响屋企焗比我食既「流心朱古力」，系「唔流心」既，只系一个朱古力蛋糕🙈
老板话焗既时间要掌握得恰到好处，先可以表层蛋糕脆香，中间松软，内里有流心朱古力的出现，口感幼滑👍仲有d诀窍要保守秘密，我就唔写出黎啦，哈哈😉
呢间餐厅的既服务真心好好，食材又新鲜，亲民既价钱食倒酒店的质素，最难得既系， 你哋真系一间好有人情味的餐厅💕支持小店👍你哋要努力丫，再钻研多d好味既菜式，等我哋下次再黎食😋
8 浏览
1 赞好
0 留言
张贴
