九份飽 (蜆殼街) (已搬遷) 新店位置

公司楼下呢间台湾菜，睇住佢由装修到开张，午餐时段实在太多人，一直未能一试。今日晏咗落楼食嘢，喜见人潮散去不用等位，即刻唔驶谂入去坐低。店舖面积不大，胜在有一大片落地玻璃，增加空间感，显得光猛明亮，装潢亦有不少九份的元素，不小心会错觉置身宝岛哩。好多嘢想食，好多嘢想试，终于叫咗细卤肉饭、卤青菜、莲藕蛤蜊汤，卤肉饭虽然系细碗，满满一碗份量其实都几多， 粒粒卤肉肥瘦适中，味道香又惹味，最啱送饭。卤青菜其实系烫青菜，娃娃菜煮得够谂甜。莲藕蛤蜊汤啱晒钟意饮汤嘅我，好足料，莲藕爽谂，蛤蜊肥美，汤水鲜甜。好耐无食仙草，口痕痕又追加咗个甜品。芋圆Q弹有咬口，仙草软滑，仲有珍珠同红豆，加埋豆奶，好味又健康！呢餐好味又满足，下次约埋同事一齐食过。