富豪酒家

营业中

休息中

去咗尖沙咀一间米芝莲酒家富豪酒家连续十三年米芝莲一星每碟菜都好精致 味道千变万化晚市有几个套餐可以拣 最出名嘅名菜就系阿翁鲍鱼，还有好多阿翁名菜供选择。1️⃣阿翁砂锅炒花胶材料有印度花胶条 生拆羔蟹蟹黄 游水花蟹肉蛋白 火腿丝等等有淡淡的花胶 炒得好香滑2️⃣碧绿潮式石榴鸡材料有鲜鸡粒 冬菰粒鲜蟹肉 莲子粒 马蹄粒唐芹粒外观好似石榴果一样 好精致一咬落去汤汁流出 入面好足料3️⃣古法瑶柱炸酿蟹盖8两重肥美花蟹蒸熟之后拆肉 配以日本瑶柱 冬菰丝 洋葱丝炸得好香 入面有梳梳蟹肉4️⃣香芹罗白海班卷采用约6/7斤的游水黄皮老虎班 生㓥之后取其班肉切皮 卷住火腿丝 冬菰条 芹菜条 再用芹菜丝绑住 鱼肉好鲜嫩 一咬食到好香嘅香菇同火腿味 味道丰富 5️⃣富豪福建炒饭材料有瑶柱 鲜虾粒 烧鸭粒 冬菰粒 葱花 鲍鱼汁个饭材料丰富厨师炒得干湿适中，好有镬气每一啖饭都好香食到唔停口。6️⃣银杏芋泥官燕晶莹通透的燕窝上面有几粒金黄色的银杏，原来燕窝下面盛载住香滑的芋泥，淸淡的燕窝配合香滑芋泥可以话系绝配，分开食混合食都可以，就睇你个人喜好啦。总之系好食！