陶源酒家 (已結業)

如果唔系贪近及唔洗等位，真系唔想再受陶源的气！员工除咗同熟客倾计之外，你问乜攞乜都系听完就算！今日兴上加兴，食食吓冷气都死埋（食完都未整好）乳鸽做特价$25只，叫咗之后一直见D侍应送到其他人的枱上，甚至比我迟入坐的客人。问咗几次都话有落单就一定有，咁唯有等啦！试吓个灌汤饺（皮极厚，不好食）葱花炸两（油炸鬼不合格）虾饺、珍珠鸡、枣王糕均保持水准。食晒其他嘢，乳鸽依然未到。再追问后，居然话冇落单，有冇搞错呀！仲问边个帮我落单，好彩e度人少，我当然记得边个啦！叫咗佢嚟，佢话点解冇落单嘅？哈哈！真好笑！最后有人话乳鸽已经售罄，真系火了！我问咁点呢？之后唔知喺边度猡咗只比我。咁样做生意，员工冇heart,真系好唔掂！