陶源酒家 (已結業)

周五的时候和朋友跑到这家店用餐，提前在openrice上定的位置，结果到了饭点的时候跑到店里。整个大厅就我们一桌，有些包场的感觉，还是蛮惊讶的。之前用餐过的几家陶源酒家分店，生意都比这家要好不少，零零星星的听着包厢里还有打麻将的声音，挺接地气的。两个人点了一份套餐，里面有冬瓜盅，圣子皇，叉烧，加了一份西兰花炒带子，感觉上菜速度一般般吧，服务还是很好的。菜的分量很足，其中冬瓜盅的味道非常好，最后除了叉烧基本上都吃完了，价格的话感觉性价比不错，总体而言蛮不错的一家粤菜，适合大伙人聚餐。

我同我屋企人6月4號下午兩點半系西環陶源食下午茶 ，招呼都算好 有人接待我地入去 。我地坐底叫左幾籠點心同埋兩碗粉面 但系呢野食真係好有問題 首先碗叉燒米粉 啲米粉爛哂 果啲叉燒完全吾系之前食開果個水準 成陣豬味 腩骨又系無味 食落去皮又硬 隻乳鴿完全一啲味都無 內臟又多 食左隻腩都吾想食了 叫碟生菜食都系黃架 好彩叫左幾籠點心 同埋一碟鮑魚汁炆鳳爪 燒賣同蝦餃都好好食 鳳爪好夠味都夠咬口 如果吾系真系當場走人！真的吾明白點解陶源質素愈來愈差 好希望可以改善下 之前都未試過會甘架 我地都系為左隻乳鴿去食炸 點解會無哂水準！ 好希望你地比到答覆我 想帶屋企人出來食飯 估吾到會令到我屋企人吾滿意！

去到的時候已經係1:50，一入去接待處冇人招呼，自己行入去，坐左一陣先有侍應問飲咩茶。望望餐牌就快到下午茶時間，同侍應講，佢攞左下午茶紙，下午茶時段以入單計。鮮沙薑香茜豬手花生一啲好食，一啲過氣，沙薑味淡，豬手都有肉有骨。XO醬銀芽炒腸粉第一冇XO醬，第二勁多油，第三腸粉好散，第四冇味，第五冇甜醬/花生醬，完全唔掂。筍尖原隻鮮蝦餃個外型特別白，蝦餃皮雖冇散開，但係口感好差，唔滑身。姬松茸遼參餃好多料，但好多油，要吹凍少少先可以食，個皮會黏住筷子。馬拉盞海皇炒飯勁勁勁多油，完全冇味，鹹味都冇。環境尚可，侍應服務態度都幾好，但係杯碟衞生好差，連續換左4隻杯才好少少。

可以選擇的食物種類太少，另外出野食很慢，差不多30分鐘才開始出，而且員工的態度要多改善，估計下次不會再來性價比不高唯一的好處是不會要等太耐，及坐位比較舒適，因為不是太多客人..............................

今晚叫左8餸6甜品金蒜銀蒸聖子皇 全陪係沙。石窩生炒糯米飯 臘味全部燶 反映左無人理。法式焦糖燉蛋 是水吾熟。叫5碗白飯 吾知點解要等勁耐！是晚只幾枱 不明白為何食物質素差及慢！？服務態度冷淡。其他食物尚可。以後不會再來失望！

本人於2017年9月9日下午1時於西環怡景陶源飲茶期間受到極冇禮貌對待，落單點心冇貨被取消後查詢要求改其他食品，服務員以不是自己責任為由大聲呼喝，極度無禮。事後向經理投訴，他以兼職工為理由敷衍了事。本人一向光顧九龍灣分店， 服務態度極好， 今次事件令我難以相信同為富臨集團，質素可以如此參差。 食品缺貨，仲要無禮貌，經理亦逃避責任， 本人對陶源酒家極為失望。

鮑參翅肚宴~六位爸爸生日60大壽，在陶源吃晚餐 我們一共有8人， 叫了一個六人套餐，都綽綽有餘， 因為份量都很足夠！ 晚餐全場只有五六圍在吃晚餐，一半也沒有坐滿，食物也不是太差，可能是因為酒樓坐立地段的問題，陶源在斜坡上，基本上居民都懶得上斜食飯整晚最突出的就是懶散的女服務員… 動作緩慢…貪靚…要叫她才收拾碗碟… 最特別的是~ 她塗了超厚的"水晶甲"在幫我收拾碗碟陶源最拿手就是鮑魚， 但是今晚的鮑魚炆的時間不太足，結果用叉叉開時非常用力， 好韌 我們8人每人一碟。這條蒸魚蒸的時間不足，魚肉與骨還連在一起，失水準 魚肉其實很鮮甜"脆皮炸子雞"味道超正！整晚煮得最好的菜式， 新鮮炸起的鮮雞外皮香脆，雞肉很嫩滑，非常新鮮！"廚房炒飯"，飯香兼粒粒入味 用炸香蒜炒的飯帶出陣陣飯香鑊氣味真係好正！ 因為跟經理說了爸爸今天生日，他特意為我們送上壽包！ 壽包根拳頭一樣大， 內含大粒鹹蛋黃和蓮蓉

如果唔係貪近及唔洗等位，真係唔想再受陶源的氣！員工除咗同熟客傾計之外，你問乜攞乜都係聽完就算！今日興上加興，食食吓冷氣都死埋（食完都未整好）乳鴿做特價$25隻，叫咗之後一直見D侍應送到其他人的枱上，甚至比我遲入坐的客人。問咗幾次都話有落單就一定有，咁唯有等啦！試吓個灌湯餃（皮極厚，不好食）蔥花炸兩（油炸鬼不合格）蝦餃、珍珠鷄、棗王糕均保持水準。食晒其他嘢，乳鴿依然未到。再追問後，居然話冇落單，有冇搞錯呀！仲問邊個幫我落單，好彩e度人少，我當然記得邊個啦！叫咗佢嚟，佢話點解冇落單嘅？哈哈！真好笑！最後有人話乳鴿已經售罄，真係火了！我問咁點呢？之後唔知喺邊度玀咗隻比我。咁樣做生意，員工冇heart,真係好唔掂！

新年與親戚食午飯。仕應說只有套餐沒有點心。新正頭，就點套餐，我們8人，點了兩個4人餐。上菜時，發覺隔離枱有點心。他們說是有的，士應收起迫食客點套餐。他們在別的枱拿到點心紙。開始上菜，貴價送就一碟上，很難知道份量對不對。後來上發菜好豉冬菇。冬菇只有一隻。兩個套餐只得一隻。吾通一個套餐給半隻，有冇攪錯。嘈了很久，才給兩隻冬菇。8人食了1700元。冇下次。劏人一脛血

詩意嘅環境同舒適無爭嘅生活一直系我好嚮往嘅，不過作為凡夫俗子一個都系免不了系世上忙忙碌碌、庸庸碌碌喇，為咗一日三餐而將自己置身於哩個大都市之中，最近又重新拜讀咗五柳先生嘅桃花源記，出街恰逢陶源酒家，見到佢塊牌匾都好似古色古香咁，決定入去試一下，情之所至不能壓制吖環顧咗一下周圍嘅環境，裝潢飾品等都系好岩我胃口。我同我朋友就叫咗侍應推薦嘅百里香雪花牛肋排，牛肋排上既醬汁好濃稠，而且色澤鮮亮，睇得出係新鮮野黎！而意粉就煮得剛好，有咬口一啖意粉加埋牛排一齊食真係正點！總體上味道咸淡適宜，性價比高！我地係肚餓到死既狀態下，食完意粉都唔太飽，所以我地立即叫左個黑松露帶子蛋白炒飯，唔好以為係普通野黎~因為入面加左好多黑松露係入面，而且仲有頗多帶子，加上飯身炒得軟香又唔油，真係爆好食！食完2個主食下因為太飽就叫唔到其他食物，真係有d可惜...唯有下次再來食過喇~

一間洒家就算食物再好，都須要員工嘅配合。酒家已開了好一段日子，應該都係做街坊生意。本人住在該店附近，每次食飯、飲茶都係貪方便（另一原因係早、晚都不用等位）點解無須等位？值得檢討一下😅裝修都係一般酒家的，有卡位、有廂房。講返食物，其實真的不錯。咕嚕肉，酸甜剛好👍漁香茄子🍆啖啖均有鹹魚香，難得👍👍薑蔥魚腩煲，魚腩走油再焗，好味😋竹苼亦相當美味。平時飲茶，點心亦做得出色👍員工態度真的很重要，如貼錢買難受（這家的服務員越叫越走，態度傲慢）有待改善

唔知點解覺得今年好似有大閘蟹之神的愛護，10月嘅第一個星期已經食咗兩次大閘蟹了。你一日就同一位朋友相約喺我屋企附近晚餐，選址就係位於皇后大道西嘅陶源酒家。食嘅呢就係蟹宴。呢度做緊大閘蟹優惠，即叫即蒸，現在呢個時分食男的大閘蟹。我當然唔可以執輸立即叫左隻啦！大閘蟹嘅膏量十足，望落去已經有爆膏嘅感覺。仲有點jelly 白膏！好味！值得一提嘅就係呢一度嘅醋十分之出色。味道很好同大閘蟹很配！食完大閘蟹心思思都係想繼續食有關大閘蟹嘅菜色，點左呢個高雅嘅蟹粉豆腐花膠。我真係好鍾意食花膠。自己都經常會煲來飲。每一次見到有花膠嘅菜式都一定唔會放過！今次點嘅呢個蟹粉豆腐花膠。顏色10分至金黃。蟹粉份量很多，豆腐香滑，最重要嘅係花膠膠質很重份量亦都很足夠，百多元的價錢已經食得很高興，花膠厚度可以，膠質很重！絕對係女性嘅滋補之選！立即再點左一個蟹粉小籠包，每一個小籠包都做得精緻而且強壯。再配上呢一度特別好食嘅蟹醋，內裏爆汁量驚人，蟹黃味道鮮甜。配上豬肉等材料，入口那種蟹黃味滲出，很正啊！人哋話食完蟹呢啲咁涼嘅嘢要食返啲薑，點可以唔叫翻個薑味糖水？好鍾意飲熱薑味嘅糖水，薑味湯水能夠令人立即感到溫暖而且幸福，但

自細就好抗拒食蘿蔔糕 等等 關於蘿蔔既點心～自從去過西環陶源酒家飲茶， 屋企人 點左 個 '蘿蔔千絲酥'' 我就對蘿蔔點心 改觀左而家每次都必點蘿蔔千絲酥！ 非常酥軟美味 ， 入口即溶。 讚

其實一路都覺得，不是母親節先要待媽媽好，但係近年的宣傳真的很入屋，四方八面湧入來，所以做仔女點都要做點事！大搞，小搞，提早慶祝，正日慶祝，都要好好安排，免得媽媽心中有點酸溜溜就不好了！媽媽始終系女人啊！一句問候，一份小禮物，或者一餐飯都可以有窩心的感覺。星期六晚，紮了小花束比娘親。又要夾到大家時間，星期日只有下午12至二同娘親飲餐茶！訂左陶源酒家，因就返娘親大人，而附近的酒樓選擇小！酒家前幾天打電話來confirm booking，只説當天點心會少一點選擇。去到才知，只供應套餐，套餐內有小部分點心。有點被騙的感覺，做生意手法真係麻麻！叫了一個四人餐同八人餐。可幸套餐都幾豐富，但埋單都要二千幾蚊。只影左部份點心，燒味分量一般，叉燒味道較好，鴨胸很鞋囗，剩不很多！春卷也脆口！黑松露什菌餃，這個味道不差，還有蝦餃及鮑魚燒賣！龍蝦伊麵仿量足，吃得出是新鮮貨！其它還有很咸的餐湯，我也放棄了！但最後有個蒸龍躉等了兩個小時都未到，酒樓決定可以比張收據我地，之後才去食！無奈接受安排！ 

15個人去食飯，叫咗小菜冇叫套餐，等左45分鐘先上第一味餸，之後嘅餸都好遲先來。問佢攞辣椒豉油，佢話佢哋好辣椒嘅⋯⋯小菜嘅份量少得離譜埋單都搞咗好耐，服務態度好差，我第一次幫襯呢間酒樓，不過唔會再去啦👿👿👿