Kimchi Korean Fusion

营业中

休息中

成条街啲舖头都排晒队，得依间有位，就谂住大家都系韩国嘢应该唔会差太远，然后入咗去试吓，点知真系中晒伏。首先，啲嘢食一啲都唔好味，甜辣炸鸡系就咁原味炸鸡点少少酱。人参鸡汤完全冇味，好似白烚鸡咁，紫菜粉丝卷啲粉丝系一pat嘢咁，仲要得个四条，所有嘢价钱都唔平。啲嘢已经唔好食，服务仲要超级差，啲嘢全部要嗌两次，啲人好似发紧梦咁。明明仲剩返半只鸡，佢行过就问收得未，好似想讲你走咁，但明明出边冇人排队。有条友收野嘅时候仲要倒泻水落我度，然后完全冇谂住道歉，感觉超级差。终于知道点解成条街得依间野冇人排队，超级后悔入咗依间野度食。因为啲嘢食太核突，一张相都冇影。