味苑 (已結業)

先前farewell同事黎食过点心觉得唔错，今次同旧同事饭局我就提议再黎，但同预期有少少落差。我地一行四人本来就想食点心，于是叫左包4款点心、2款小菜、例汤、甜品同白饭既自选四位餐 ($568)。点心拣左味苑虾饺皇、蟹籽烧卖皇、酱皇蒸凤爪同新鲜叉烧肠，全部味道不过不失，同一般连锁酒楼差不多，冇咩大惊喜。 味苑虾饺皇同蟹籽烧卖皇足料弹牙，唔算特别大粒，亦唔会太浓味。 酱皇蒸凤爪软腍惹味，岩岩四旧够四人分。 新鲜叉烧肠入面既叉烧偏瘦唔太靓，肠粉皮略厚。小菜姜葱龙趸头腩煲上得好快，龙趸头腩虽然有骨但都几多肉，先炸过然后同大量葱段同炒，香口得黎又嫩滑。 不过份量较少，全煲姜葱占左七成，每人分到两细旧，唔太够𩠌饭。金沙明虾球好有惊喜，首先午市黎讲，下面有炸鸟巢垫住上台已经系意料之外，虾球大大粒好弹牙，最正系金沙好幼滑唔会腻，浓郁既咸蛋黄酱同鲜味既虾球好夹，我地连鸟巢上剩底既碎都食埋，最后仲用左黎捞饭，超正！鸟巢虽然吸引但就唔洗试喇，似系米网纸预先炸定，食个时已经唔脆亦冇味，但整体成味𩠌都好好味，有机会会encore。虽然两款小菜每人都分到两旧，味道亦唔错，但份量感觉好少，惟有呆望住碗白饭轻叹。