米子燒肉家

营业中

休息中

扫墓后途经大围美林邨发现这家性价比超高的餐厅。茄汁肉酱白汁鱼柳鸳鸯焗意粉，53蚊唔使加一仲有汤同餐饮跟埋。老老实实其实佢个焗意粉就质素只属一般，正正常常唔系特别出色但系唔难食嘅，以53蚊有焗饭焗意粉呢个价钱系属于偏低嘅。胡椒猪肚苦瓜汤饭52蚊当然都跟埋餐汤餐饮啦，反而呢个有惊喜，抵食好食。不过最有惊喜嘅就系个跟餐例汤，材料非常足，我已经冇叫多汤渣，但系都超级丰富，惊死你唔知佢哋系真材实料嘅靓汤，咁鬼大旧猪骨成本真系好高。冻饮加两蚊，杯嘢都唔细㗎，好抵，要帮衬多啲因为真系惊佢做唔住。