瀛豐放題料理專門店

营业中

休息中

唔想夜晚食太飽瞓唔着，晏晝嚟食放題又唔使擔心會變肥😋鍾意食日本同泰國嘢嘅我，今次一次過揀咗一間日泰放題專門店。意外地俾我發現，原來佢哋午市套餐最平嗰款$58咋，銅鑼灣呢個價絕對冇得輸。仲有好多選擇。原條鰻魚飯$88超抵食。大大條肥美多汁嘅鰻魚鋪喺面。我自己有喺某間日本超市買開鰻魚就知個價位。呢個餐88係抵食嘅！蔥爆牛肉井$78。一食就知係靚牛肉。仲有多款刺身井。下次嚟開銅鑼灣行街lunch可以食個快靚正午市套餐。放題+148。仲可以任食魚子醬同鮑魚、長腳蟹丶螺片。同出邊同類型放題比較。價錢差唔多，不過呢間真心抵食，多咗魚子醬可以任食！