千両 (港威商場)

营业中

休息中

午餐想食寿司咁岩见到佢，走入去试下，整体体验舒服对得住价钱，平日就要等下位。先讲环境，坐位舒服唔迫，灯光同设计好似去左日本职人餐厅，偏暗黄灯光有家居感觉，可以暂时避开office 都市世界。食物方面，lunch set有好多选择由锅物到寿司都有，今次试左极上9格寿司套餐，最中意食嘅带子味道都唔错，唔会腥，寿司饭湿度都ok唔会好干/酸味太出。配菜就有味噌汤，蒸水蛋，沙律同类似蕃薯泥，蕃薯泥好好味，应该混合左日式调味，例如味噌，混合出来唔会盖过蕃薯嘅原味，都唔会成话好浓味噌抢晒。最后叫左甜品，北海道芝士蛋糕配抹茶雪糕，实物蛋糕好细只有约1/4手掌大小，味道中规中矩，雪糕建议快啲食融化速度好快。