牛八和牛燒肉屋 (已結業)

冬天又系烤肉既季节😏呢度既午市烤肉套餐都几抵食，价钱由$62起，有多种肉类可以选择，套餐包前菜，汤，饮品同白饭一碗。-前菜有三款，泡菜唔入味，唔辣又唔酸，味道奇怪。而芽菜系可以接受既，萝卜就只有一旧仔😂我平时系好钟意食韩国泡菜既，但呢款泡菜味道难以入口，总括黎讲，前菜系唔好食既🙅🏻‍♀️牛尾汤清甜可口，个人好钟意😉烤肉味道浓，饮返碗清汤，即刻中和返冇咁腻。牛肋肉+肩脊肉(酱汁) $69餐牌上有指示我地每款肉类要烤几耐时间，以上两款肉类要大火烤二十秒，反转再烤多十五秒。烧肉汁同烤肉非常搭配。而我就用左韩式辣酱配白饭，味道即刻无咁单调。两种肉类都几好食，味道唔错，牛味浓郁，而且充满肉汁。呢个价钱，咁既质素，绝对系抵食既。-另外仲嗌左个三文鱼石锅饭，捞烧肉汁食，味道普通，但胜在热辣辣，仲有饭焦香。