影片
更多
2024-10-12
8088 浏览
虽然小弟喺潮州人，但香港出世，潮州话唔识讲，亦唔识听，不过，一样好喜欢潮州菜。最近就约咗同晌中环返工嘅朋友聚一聚，结果嚟到「尚盛潮州海鲜饭店」叹吓潮州菜，大家都话好耐未食过。中环食晏一向人头涌涌，入到嚟餐厅里边，当然座无虚席啦。一入门口先喺「潮州卤水档」，卤水嘢当然喺食潮州菜嘅亮点啦。再望入去，大堂一字形去到尾，睇唔出个铺位原来都几大、几深，整体装修感觉朴实，右边墙身挂有一幅古画，非常有雅气，左边有好几个厢房，有客人用餐，就唔多方便影。而枱上嘅餐具同样透出一股气质，非常别致。眼见基本上全部侍应都喺上年纪，同老友倾开，先知喺以前上环嘅「尚兴」原班人马再起东山，难怪门面写住50年老字号啦。咸酸菜 $10有理无理，坐低就放碟潮州前菜名物「咸酸菜」，入口爽口，味道微微酸，好醒胃，无过咸。顺带一提，茗茶又收$10位，咁仲有加一服务费呢。趁朋友未到，翻一翻餐牌先，大类而言，分别有卤水、鱼翅、海鲜、潮州小菜、鱼类、汤类、粥粉面饭、甜品……等等。选择非常之多，不过呢度无午市套餐，全部嘢都喺散点。潮州卤水鹅 $158卤水喺潮州菜嘅经典，点可以错过，卤水鹅单睇外观已经非常诱人，鹅片堆得满满，切片大细厚薄均
中环食晏一向人头涌涌，入到嚟餐厅里边，当然座无虚席啦。一入门口先喺「潮州卤水档」，卤水嘢当然喺食潮州菜嘅亮点啦。
再望入去，大堂一字形去到尾，睇唔出个铺位原来都几大、几深，整体装修感觉朴实，右边墙身挂有一幅古画，非常有雅气，左边有好几个厢房，有客人用餐，就唔多方便影。
而枱上嘅餐具同样透出一股气质，非常别致。眼见基本上全部侍应都喺上年纪，同老友倾开，先知喺以前上环嘅「尚兴」原班人马再起东山，难怪门面写住50年老字号啦。
咸酸菜 $10有理无理，坐低就放碟潮州前菜名物「咸酸菜」，入口爽口，味道微微酸，好醒胃，无过咸。顺带一提，茗茶又收$10位，咁仲有加一服务费呢。
趁朋友未到，翻一翻餐牌先，大类而言，分别有卤水、鱼翅、海鲜、潮州小菜、鱼类、汤类、粥粉面饭、甜品……等等。选择非常之多，不过呢度无午市套餐，全部嘢都喺散点。
潮州卤水鹅 $158卤水喺潮州菜嘅经典，点可以错过，卤水鹅单睇外观已经非常诱人，鹅片堆得满满，切片大细厚薄均一，肉质柔软，好有鹅嘅肉香，卤水醇香沉实又入味，果然喺老店嘅手势。垫底嘅卤水豆腐，口感滑溜，有豆香，同样渗出醇香卤水味。
潮州卤水鹅
$158
406 浏览
0 赞好
0 留言
方鱼肉碎粥 $65有一碗或一窝份量嘅选择，嗌一碗其实都够晒两、三个人分，咁嘅份量正正啱晒我哋。潮州粥又喺有其独特性，粥底唔会太绵，但米粒亦爆晒花，食起嚟有粒粒感，而加入咗方鱼、肉碎，除咗食味丰富咗之外，添加咗一份好似柴鱼嘅香味，伴卤水及春菜嘅浓味菜式好夹。
春菜煲 $108呢记道菜喺朋友最想点吓，因为，佢好喜欢潮州啲家常菜。春菜即喺芥菜，不过，就会切得细条啲嚟做菜，再拌以炒过嘅猪肉，确喺好有家常风味，味道咸咸香香，几唔错，拌饭或粥都好。
菊花石榴鸡 $148潮州菜中都有唔少精致手工菜，石榴鸡就喺其一，因为造型特别，形态似石榴，又以鸡肉入馔，所以叫「石榴鸡」，外皮喺煎蛋白薄皮，再以西芹条扎实「袋口」，但又真喺估唔到煎蛋白可以做到层皮咁有柔韧性㖞，包起咁多馅料都无穿无烂。内里包裹著喺鸡肉粒、萝白粒、冬菇粒、冬笋粒、唐芹粒，每样都刴得好细腻，又喺一番心机，至于口感上有细致，有清脆，有浓香，有清爽，慢慢细味真喺感受到𠮶份层次。最后淋晌石榴鸡嘅芡汁，喺鸡汤芡，甚具画龙点睛之效。
菊花石榴鸡
99 浏览
1 赞好
0 留言
绿豆爽最后，竟然仲奉送甜品，虽然喺普普通通嘅绿豆爽，不过，亮点喺后面樽嘢。当时小弟见个侍应放低甜品时都奇怪，做乜多樽樽油，一问原喺陈皮酱，阵阵陈皮果香，甘甘哋，加咗落啲绿豆爽度真喺唔同晒。
敢用得老字号做排头，当然，自认有番咁上下实力，试咗几道菜，食物嘅质素确喺唔失礼，有水准，师傅啲手艺扎实，唔喺花拳绣腿。
张贴
