牛站(駅)麻辣火鍋放題

营业中

休息中

朋友聚会，顺便提早做冬，拣咗呢间午市火锅放题，四小时任饮任食（12：00-16：00），可以慢慢食，又够哂时间吹水。拣咗最贵嘅套餐「#4 特上牛小排」，$318，另收加一。（虽然系平日，但因为系特别日子，所以收费有调整）汤底拣咗蕃茄猪骨汤，清清哋但又够味，不错。牛类主攻牛小排，海鲜主攻鲍鱼、蚝。・特上牛小排，一碟三片，前后叫咗十零碟，够软嫩又有肉味，大部分都OK，但有三碟偏多肥膏・澳洲M5和牛，一碟三片，只要咗两碟，虽然卖相不错，但肉质唔太滑，好有𡁻头，而且肉味唔多・美国极黑和牛SRF，一碟两片，只要咗一碟，太瘦，少嚡少韧・巴黎牛脷托，好坏参半，有啲爽口弹牙，有啲好韧・鲍鱼，我估每人都食咗至少半打，弹牙，唔韧，少许鲜甜・蚝，我估每人都食咗至少半打，好大只，唔缩水，鲜味・海参仔，迷你版，一口一只，爽口，过吓口瘾・虾，正常，只只都弹牙，肉身唔梅，但应该系养虾・八爪鱼仔，切件，有身有须，爽口，过吓口瘾・田鸡，腿位无俾身位，大只，但无咩味熟食有乳鸽，但室温唔够热，皮亦唔脆。今次无鸭舌（上年食过），可惜。酒类有清酒、啤酒（Asahi 系日本版）。整体用餐体验，好似无上次咁出色，虽然唔差，但感觉有