韓牛牧場 (已結業)

当你想食韩烧，但又唔会食得唔多，同埋唔俾多咗钱食韩烧放题？定量午市餐绝对系好选择。今次我就去咗铜锣湾登龙街嘅韩牛牧场食1++韩牛韩烧定量午市餐。依个餐系二人份量。套餐包括咗韩牛牛肋骨肉、韩牛肩甲、西班牙黑豚五花腩、韩式鸡腿肉、虎虾、半壳青口，仲有啲新鲜野菜。除此之外、套餐仲包咗饮品、沙律、前菜、小食同饮品任食。沙律菜都好fresh、而前菜、小食都叫多选择。韩牛牧场同大部分韩烧食肆唔同之处，在于佢哋用光波炉代替火炉/电炉。用光波炉嚟烧肉同野菜，好处在于比较容易控制时间，油烟亦相对较少，野菜烧好后仍能保持水份。店员建议韩牛牛肋骨肉同韩牛肩甲半熟就可以，所以牛肉喺炉上转一至两个圈，将肉反转再转多一个圈，就刚刚好。唔食烧肉，都可以选择丼饭。除咗烧肉，仲叫咗一客极上火炙七色丼。七色丼有韩牛、海胆、带子、三文鱼、油甘鱼、鳗鱼同蟹棒，非常之丰富，各款都非常鲜味。而饭系有味饭、所以都唔需要再落豉油。