鮨樂 (加連威大廈)

营业中

休息中

上星期四出尖沙咀工作，早搅掂去食个靓lunch。响尖沙咀是但食个面都几十蚊，咁不如俾多少少食靓啲食好啲。响THE ONE对面街嘅鮨乐，我入座时大约12点仲早，所以个场比较清优，同场仲有2-3枱，都系内地客。拣咗午市嘅杂锦刺身饭，贪乜都有啲唔使念。套餐有前菜，杂菜沙律，沙律菜新鲜爽脆，值得一赞，沙律汁唔系普通现成酱汁，配合得好好。味噌汤，有好多海带，热热饮落好舒服。杂锦刺身饭，共有6款刺身各1件，大家都系厚切，份量十足，新鲜鲜甜。饭应该沟咗赤醋，所以饭红红啡啡的，但略嫌偏酸，有啲抢过刺身，唔系太啱我口味。甜品有雪糕，我拣咗云尼拿味。个碗好靓，少少一球好满足。